ឈីលី ៖ ភ្លៀងធ្លាក់ខ្លាំងជាច្រើនថ្ងៃ បានបណ្តាលឲ្យទឹកទន្លេនៅប្រទេសឈីលីកើនឡើង បណ្តាលឱ្យមានទឹកជំនន់ ដែលបានបិទផ្លូវ និងបានជំរុញឱ្យមានការជម្លៀសខ្លួនចេញនៅភាគកណ្តាលរបស់ប្រទេស ស្របពេលដែលអ្វីត្រូវបាន​គេចាត់ទុកថាជាការប្រឈមមុខនៃអាកាសធាតុដ៏អាក្រក់បំផុតក្នុងរយៈពេលមួយទសវត្សរ៍មកនេះ។ កាលពីថ្ងៃសុក្រ ពលរដ្ឋនៅរដ្ឋធានី Santiago មានការភ្ញាក់ផ្អើលដោយទឹកល្អក់ ហូរចុះមកពីទន្លេ Mapocho ជាផ្លូវទឹកដ៏​សំខាន់​របស់ទីក្រុង ដែលបានហក់ឡើងយ៉ាងខ្លាំងដោយភ្លៀងធ្លាក់កាលពីពេលថ្មីៗនេះ។

ទឹកជំនន់នៅជុំវិញទន្លេ Mapocho បានកាត់ផ្តាច់ផ្លូវនានាឆ្ពោះទៅមហាសមុទ្រប៉ាស៊ីហ្វិក ដោយធ្វើឲ្យប៉ះពាល់​ដល់គ្រួសារជាច្រើនដែលរស់នៅលើច្រាំងទន្លេ និងបណ្តាលឲ្យទីក្រុងតូចៗស្ថិតនៅឯកោ។ ទឹកជំនន់បាននាំឱ្យអាជ្ញាធរប្រកាស ការជូនដំណឹងពណ៌ក្រហម និងបានចេញបញ្ជាឱ្យមានការ​ជម្លៀសបង្ការជា​មុននៅក្នុងទីក្រុងនានានៅភាគខាងត្បូងទីក្រុង Santiago ។

លោក Claudio Orego អភិបាលតំបន់នៅទីក្រុង Santiago បាននិយាយថា នេះជាការប្រឈមទៅនឹង​អាកាសធាតុអាក្រក់បំផុតដែលយើងពុំធ្លាប់មានក្នុងរយៈពេល ១០ ឆ្នាំមកនេះ។ ការប្រឈមមុខចំពោះ អាកាសធាតុ ឬព្រំដែន​រវាងប្រភេទផ្សេងៗនៃបរិយាកាស ជាសញ្ញានៃបម្រែបម្រួលអាកាសធាតុ ដែលជារឿយៗបណ្តាលឱ្យមានភ្លៀង ផ្គររន្ទះ និងខ្យល់ព្យុះកំណាច។ ពលរដ្ឋមកពីទីក្រុង Noviciado បាននិយាយថា លោកនិងគ្រួសាររបស់លោក ត្រូវបានអ្នកជិតខាងដាស់ឲ្យភ្ញាក់នៅពេលយប់ ឱ្យចាកចេញពីលំនៅឋាន។