វិមានក្រឹមឡាំងបាននិយាយកាលពីថ្ងៃសៅរ៍ថា មេបញ្ជាការទាហានស៊ីឈ្នួលរុស្ស៊ីដែលបះបោរដែលបានបញ្ជាកងទ័ពរបស់លោកដើរក្បួនទៅកាន់ទីក្រុងមូស្គូ មុនពេលផ្លាស់ប្តូរទិសដៅភ្លាមៗ និងទៅកាន់ប្រទេសបេឡារុស្សដែលនៅជិតខាង ហើយមិនប្រឈមនឹងការកាត់ទោសឡើយ ជាផ្នែកនៃកិច្ចព្រមព្រៀងដើម្បីដោះស្រាយវិបត្តិដែលតំណាងឲ្យការប្រឈមដ៏សំខាន់បំផុតចំពោះលោកប្រធានាធិបតី Vladimir Putin ក្នុងពេលកាន់អំណាចជាងពីរទសវត្សរ៍របស់លោក។

ទីក្រុងមូស្គូបានត្រៀមលក្ខណៈសម្រាប់ការមកដល់របស់កងកម្លាំងក្រុមហ៊ុនទាហានស៊ីឈ្នួល វ៉េណាគ្រុប (Wagner Group) ជាកងទ័ពឯកជនដឹកនាំដោយលោក យេវហ្គេនី ព្រីហ្គូស៊ីន(Yevgeny Prigozhin ) ដែលកំពុងរួមគ្នាប្រយុទ្ធជាមួយកងទ័ពអចិន្ត្រៃយ៍របស់រុស្ស៊ីក្នុងប្រទេសអ៊ុយក្រែន ដោយដំឡើងប៉ុស្តិ៍ត្រួតពិនិត្យអមដោយរថពាសដែក និងកងទ័ពនៅជាយភាគខាងត្បូងនៃទីក្រុងនេះ។ ទីលានក្រហមត្រូវបានបិទ ហើយអភិបាលក្រុងបានជំរុញអ្នកបើកបរឲ្យនៅឆ្ងាយពីផ្លូវមួយចំនួន។

ប៉ុន្តែលោក Prigozhin បានប្រកាសថា ខណៈកងកម្លាំងរបស់លោកស្ថិតនៅចម្ងាយត្រឹមតែ ២០០ គីឡូម៉ែត្រពីទីក្រុងមូស្គូ លោកបានសម្រេចចិត្តបង្វែរពួកគេត្រឡប់មកវិញ ដើម្បីចៀសវាង "ការបង្ហូរឈាមរបស់ជនជាតិរុស្ស៊ីគ្នាឯង"។

លោកពុំបាននិយាយទេ ថា តើវិមានក្រឹមឡាំងបានឆ្លើយតបនឹងការទាមទាររបស់លោកក្នុងការបណ្តេញរដ្ឋមន្ត្រីការពារជាតិលោក Sergei Shoigu ចេញពីតំណែង ឬយ៉ាងណា។ មិនមានការអត្ថាធិប្បាយភ្លាមៗពីរដ្ឋាភិបាលរបស់លោក Putin ទេ។

អ្នកនាំពាក្យវិមានក្រឹមឡាំង លោក Dmitry Peskov បាននិយាយថា កងទ័ពរបស់ Yevgeny Prigozhin ដែលបានចូលរួមជាមួយលោកក្នុងការបះបោរនេះ នឹងមិនប្រឈមនឹងការកាត់ទោសទេ ហើយអ្នកដែលមិនបានធ្វើ នឹងត្រូវផ្តល់កិច្ចសន្យាដោយក្រសួងការពារជាតិ៕