ប្រជាជនប៉ាគីស្ថានកំពុងតស៊ូដើម្បីទិញបសុសត្វបូជានៅឆ្នាំនេះមុនថ្ងៃបុណ្យ Eid លal-Adha ដែលបានបង្កឲ្យមានអតិផរណាខ្ពស់បំផុត ការធ្លាក់ចុះសេដ្ឋកិច្ច និង គ្រោះទឹកជំនន់ដ៏បំផ្លិចបំផ្លាញកាលពីឆ្នាំមុន។

សេដ្ឋកិច្ចទំហំ ៣៥០ ពាន់លានដុល្លាររបស់ប្រទេសប៉ាគីស្ថានដែលជួបកង្វះខាតសាច់ប្រាក់ កំពុងស្ថិតក្នុងការដួលរលំដោយអតិផរណាមានកម្រិត ៣៨%។ រូបិយប័ណ្ណធ្លាក់ចុះយ៉ាងឆាប់រហ័ស និងឱនភាពខាងក្រៅបាននាំឲ្យរដ្ឋាភិបាលអនុម័តវិធានការយ៉ាងខ្លាំងកាលពីឆ្នាំមុន ដើម្បីជៀសវាងការខកខានសងបំណុលបរទេស។

នៅឯទីផ្សារសត្វពាហនៈក្នុងទីក្រុង Karachi ដែលជាទីក្រុងធំបំផុតរបស់ប្រទេសប៉ាគីស្ថានកាលពីថ្ងៃសៅរ៍ ២៤មិថុនា អតិថិជនបាននិយាយថាពួកគេកំពុងប្រឈមនឹងតម្លៃដែលយ៉ាងហោចណាស់ក៏កើនឡើងទ្វេដងបើធៀបនឹងឆ្នាំមុន។

អតិថិជនម្នាក់ឈ្មោះ Masood Khan បាននិយាយដោយយោងលើតម្លៃគោថា"សត្វដែលយើងអាចទិញកាលពីឆ្នាំមុនក្នុងតម្លៃពី ១០០ ទៅ ១៥០.០០០ រូពី ប្រាក់ប៉ាគីស្ថាន ស្មើ នឹង ប្រហែល ៣៥០ ទៅ៥៣០ដុល្លារ អាមេរិក ដោយពេលនេះក្រុមឈ្មួញ កំពុងស្នើសុំពី២២៥ទៅ២៥០.០០០រូ ពី ស្មើនឹង៧៩០ ទៅ៨៨០ ដុល្លារអាមេរិក ។

ប្រជាជនម៉ូស្លីមក្នុងប្រទេសប៉ាគីស្ថាននឹងចាប់ផ្តើមប្រារព្ធពិធីបុណ្យ Eid al-Adha ដែលជាពិធីបុណ្យមួយក្នុងចំណោមពិធីបុណ្យដ៏សំខាន់បំផុតចំនួនពីរនៅលើប្រតិទិនឥស្លាមនៅថ្ងៃទី ២៩ខែមិថុនាដែលនឹងមានរយៈពេលបីថ្ងៃ៕