នៅថ្ងៃចន្ទនេះ រដ្ឋាភិបាលកូរ៉េខាងត្បូង បានបញ្ចេញផែនការដែលមានគោលដៅទប់ស្កាត់ការចំណាយកើនឡើងរបស់ប្រទេសមួយនេះលើវិស័យអប់រំឯកជន ដែលរងការដាក់ស្តី​បន្ទោ​ស​​​ថា​ជាកត្តាសំខាន់នៅពីក្រោយអត្រាថយចុះនៃការមានបុត្ររបស់កូរ៉េខាងត្បូង។

វិធានការ​នេះ បានកើតមានឡើង ក្រោយពេលដែលប្រធានាធិបតីកូរ៉េខាងត្បូងលោក Yoon Suk Yeol ក្នុងខែនេះ បានរិះគន់ការធ្វើតេស្តប្រឡងចូលមហាវិទ្យាល័យ ដាក់សំនួរពុំមិនមាន​នៅ​ក្នុង​កម្មវិធីសិក្សានៅសាលារដ្ឋ ក្នុងនោះ រួមទាំងសំនួរសម្លាប់ ដោយសារតែភាពស្មុគស្មាញរបស់វា។

រដ្ឋមន្រ្តីក្រសួងអប់រំកូរ៉េខាងត្បូង លោក Lee Ju-ho បានសន្យាផងដែរថានឹងចាត់វិធានការបង្រ្កាបក្រុមវិស័យអប់រំឯកជន តាមរយៈការបង្កើនកិច្ចខិតខំពិនិត្យតាមដានអ្វីដែល​ជាការ​ផ្ស​ព្វ​ផ្សា​យ​មិនពិត និងបំផ្លើស។

សូមបញ្ជាក់ថា កូរ៉េខាងត្បូង បានចំណាយថវិកាច្រើនបំផុតចំនួន ២៦សែនកោដិ៍វ៉ុន(ស្មើនឹង ១៩.៩៧ពាន់លានដុល្លារ) លើវិស័យអប់រំឯកជនកាលពីឆ្នាំមុន បើទោះបីជាមានការធ្លាក់​ចុះចំនួន​សិស្សក៏ដោយ៕