សេចក្តីរាយការណ៍បានឲ្យដឹងថា ភ្លៀងមូសុងវស្សាភាគនិរតី បានបោកបក់មកដល់ទីក្រុងជាច្រើនរបស់ប្រទេសឥណ្ឌា ស្របពេលដែលទីក្រុងធំញូវដែល្លី និងទីក្រុងម៉ុមបៃ មើល​ឃើញ​ភ្លៀង​ធ្លាក់ខ្លាំងនៅថ្ងៃដំណាល់គ្នាកាលពីថ្ងៃអាទិត្យ ក្រោយពុំធ្លាប់ដែលមើលឃើញភ្លៀងធ្លាក់ព្រមគ្នាបែបនេះ អស់រយៈពេលជាច្រើនទសវត្សរ៍មកហើយ។

បើទោះបីជាភ្លៀងធ្លាក់ធ្វើឲ្យមនុស្សមួយចំនួនសប្បាយចិត្តក៏ដោយ តែមនុស្សខ្លះត្រូវបានគេមើលឃើញដើរលុកទឹកតាមផ្លូវជន់លិច ស្របពេលដែលការធ្វើដំណើររងការរំខាន។

ការិ​​យាល័យឧតុនិយមឥណ្ឌា បានព្យាករណ៍ថា ភ្លៀងនឹងបន្តធ្លាក់បន្ថែមទៀតនៅតាមតំបន់ជាច្រើន ក្នុងសប្តាហ៍នេះ។

ប្រទេសឥណ្ឌាដែលមានពលរដ្ឋរស់នៅ ១.៣ពាន់លាននាក់នោះ បានពឹងអាស្រ័យខ្លាំងនឹងទឹកភ្លៀង ដោយសារតែភាគច្រើននៃពលរដ្ឋរបស់ពួកគេរស់នៅ និងពឹងផ្អែកលើ​ការធ្វើ​កសិកម្ម។ ទោះបីជាយ៉ាងណាក៏ដោយ ភ្លៀងធ្លាក់ខ្លាំងច្រើនហួសហេតុពេក ក៏នាំឲ្យកើតមានគ្រោះទឹកជំនន់ និងការជន់លិច ដែរ ជាពិសេសដោយសារតែប្រព័ន្ធបង្ហូរលូរអន់ ៕