នាយកប្រតិបត្តិស្តីទីក្រុមហ៊ុនគណនេយ្យ PricewaterhouseCoopers (PwC) ប្រទេសអូស្រ្តលី លោកស្រី Kristin Stubbins បានចេញសុំទោសនៅថ្ងៃចន្ទ (២៦ មិថុនា)នេះ នៅក្នុងការស៊ើបអង្កេតលើរឿងអាស្រូវដែលពាក់ព័ន្ធនឹងការលេចធ្លាយផែនការពន្ធរបស់រដ្ឋាភិបាល។

ក្រុមហ៊ុន PwC កំពុងរងការរិះគន់ បន្ទាប់ពីអតីតដៃគូដែលផ្តល់ប្រឹក្សាដល់រដ្ឋាភិបាលសហព័ន្ធលើច្បាប់ដើម្បីការពារការគេចវេះពីសាជីវកម្ម បានចែករំលែកព័ត៌មានសម្ងាត់ជាមួយសហការីដែលបន្ទាប់មកសហការីទាំងនោះបានប្រើប្រាស់ព័ត៌មាននោះដើម្បីផ្សព្វផ្សាយទៅដល់ក្រុមហ៊ុនពហុជាតិសម្រាប់ផលប្រយោជន៍។

នៅក្នុងការបង្ហាញខ្លួនជាសាធារណៈលើកដំបូងរបស់លោកស្រីចាប់តាំងពីអ្នកកាន់តំណែងកាលពីមុនបានលាលែងពីតំណែងជុំវិញការជាប់ពាក់ព័ន្ធក្នុងរឿងអាស្រូវមួយនេះ លោកស្រី Stubbins បានប្រាប់ក្រុមសាកសួររបស់រដ្ឋសភាថា ការស៊ើបអង្កេតដោយក្រុមហ៊ុនច្បាប់ចំនួនពីរនឹងបញ្ចប់ក្នុងពេលឆាប់ៗនេះ ហើយក្រុមហ៊ុននឹងដាក់បញ្ចេញឈ្មោះបុគ្គលិកដែលបានរកឃើញថា "បានធ្វើខុស" ។

លោកស្រី Stubbins បានប្រឈមមុខនឹងការស៊ើបអង្កេតរបស់សភារដ្ឋ New South Wales មួយថ្ងៃបន្ទាប់ពីក្រុមហ៊ុនបានប្រកាសផែនការលក់អាជីវកម្មប្រឹក្សារដ្ឋាភិបាលរបស់ខ្លួនក្នុងតម្លៃ ១ ដុល្លារអូស្ត្រាលី (០.៦៧ ដុល្លារ) និងការរង្គោះរង្គើភាពជាអ្នកដឹកនាំបន្ថែមទៀត ដែលជាការឆ្លើយតបទៅនឹងរឿងអាស្រូវដែលនាំឱ្យភ្នាក់ងាររដ្ឋាភិបាល និងមូលនិធិសោធននិវត្តន៍សំខាន់ៗត្រូវជាប់គាំងប្រត្តិបត្តិការជាមួយក្រុមហ៊ុន PwC៕