កោះកុង ៖ ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍ នៃគណៈកម្មាធិការកណ្តាល​គណបក្ស​ប្រជាជនកម្ពុជា និងជាប្រធានយុវជនគណបក្សថ្នាក់កណ្តាល ក្នុងពិធីប្រកាសសមាសភាព និងសំណេះសំ ណាលជាមួយក្រុមការងារយុវជនគណបក្សប្រជាជនកម្ពុជាខេត្តកោះកុង នាថ្ងៃទី២៦ ខែមិថុនា ឆ្នាំ២០ ២៣ បានស្នើដល់សមាជិក-សមាជិកាគណបក្សប្រជាជនកម្ពុជា សូមត្រៀមខ្លួនឱ្យបានរួចរាល់ ដើម្បីចូ លរួមក្នុង​យុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ នៃរដ្ឋសភា ចាប់ពីថ្ងៃទី១ ដល់ទី២១ ខែកក្កដាខាងមុខនេះ ដើម្បីបង្ហាញនូវស្មារតីមោះមុត បរិមាណដ៏ច្រើនសន្ធឹកសន្ធាប់ និងឥទ្ធិពលដ៏ខ្លាំង​ក្លា​របស់ទ័ពជំរំទេវតា ក្នុងធ្លុងមហាសាមគ្គីជាតិ ដើម្បីបុព្វហេតុជាតិ និងប្រជាជន។

ឯកឧត្ដមបន្តថា ក្នុងនាមជាសកម្មជនយុវជនបក្ស, យើងម្នាក់ៗមានភារកិច្ចចូលរួមចំណែក​ធានានិរន្តរភាព​យូរអង្វែង​របស់គណបក្ស ដែលសព្វថ្ងៃជាគណបក្សធំ មានសមាជិកគ្រួសារច្រើន និងកំពុងកាន់អំ ណាច ដោយ​មានការ​ទទួលខុសត្រូវខ្ពស់ចំពោះជោគវាសនារបស់ជាតិមាតុភូមិ។ បម្រើឱ្យគោលដៅនេះ, ក្រុមការងារ​យុវជនគណបក្ស​គ្រប់ថ្នាក់ បានរៀបចំពង្រឹងរចនាសម្ពន្ធ-អង្គការចាត់តាំងកាន់តែរឹងមាំ ព្រមជាមួយនឹងការបែងចែកភារកិច្ច និងការទទួលខុសត្រូវច្បាស់លាស់ ដោយរក្សាបាននូវសាមគ្គីភាពឯកភាពផ្ទៃក្នុងល្អ ហើយក៏តែងធ្វើសកម្មភាព​ដោយឈរលើគោលការណ៍សំខាន់ ៣ គឺ៖ការទទួលខុសត្រូវ ដោយទទួលខុសច្រើនជាងត្រូវ; ទី២.ការអនុវត្ត​សិទ្ធិអំណាចដើម្បីសម្រេចការទទួលខុសត្រូវ និង ទី៣.ការទទួលបានគុណសម្បត្តិស្មើគ្នា ប្រសិនបើការងារ​សម្រេច​លទ្ធផលល្អ ហើយក្នុងករណីមា នលទ្ធផលអវិជ្ជមាន គឺអ្នកដឹកនាំជាអ្នកត្រូវទទួលខុសត្រូវ។ មួយវិញទៀត ក្នុងនាម​ជាអ្នកដឹកនាំសកម្មជនយុវជនបក្ស យើងក៏ត្រូវផ្តល់ការធានាគាំទ្រទាំងផ្នែកស្មារតី និងសម្ភារ ព្រមទាំងការលើក​ទឹកចិត្តដល់សកម្មជនយុវជនបក្ស សំដៅជំរុញប្រសិទ្ធភាពនៃការបំពេញតួនាទីក្នុងនាមជាជំនួយការរបស់គណបក្ស ក្នុងការបំផុសចលនាយុវជនឱ្យគាំទ្របុព្វហេតុដ៏ត្រឹមត្រូវរបស់គណបក្ស។

ឯកឧត្ដមបន្ថែមថា គណបក្សប្រជាជនកម្ពុជា រក្សាបាននូវប្រៀបឈ្នះជាប់ជាប្រចាំ ដោយសារការចិញ្ចឹ មចលនា​រស់រវើក, ការបម្រើប្រជាជនប្រកបដោយទឹកចិត្តស្មោះសរ និងការតម្កល់ផលប្រយោជន៍​ប្រជាជនជា​ធំក្នុងគ្រប់​កាលៈទេសៈ រាប់ចាប់តាំងពីពេលដែលបក្សត្រូវបានបង្កើតឡើងមកម្ល៉េះ។ ក្នុងន័យនេះ សកម្មជនយុវជន​បក្ស​ត្រូវបន្តនូវស្មារតី និងសកម្មភាពរបស់យុវជនរៀមច្បង តាមរយៈភារកិច្ចសំ ខាន់ចំនួន ៣ រួមមាន៖ ទី១.ថែរក្សា​សមិទ្ធផល​វិជ្ជមានដែលយុវជនរៀមច្បងបានកសាងឡើង, ទី២.ខិត ខំប្រឹងប្រែងកសាងសមិទ្ធផលវិជ្ជមានបន្ថែមទៀត និង ទី៣.រៀបចំមូលដ្ឋានឱ្យបានកាន់តែរឹងមាំ ដើម្បីផ្ទេរបន្តទៅឱ្យយុវជនជំនាន់ក្រោយ៕ ដោយ៖ គង់ ឌិន​