ភ្នំពេញ៖ នៅថ្ងៃទី២៧ ខែមិថុនា ឆ្នាំ២០២៣ លោកបណ្ឌិត ហាន បូរិន ប្រធានសាខាសមាគមសិស្សនិស្សិត បញ្ញវន្តក្មេងវត្ត ខណ្ឌព្រែកព្នៅ និងឯកឧត្តមបណ្ឌិត គឹម យឿន ទីប្រឹក្សាសាខាសមាគម និង ឯកឧត្តម បណ្ឌិត ម៉ាក់ ទូច អនុប្រធានសាខា ព្រមទាំងសហការី បាននាំយកអំណោយមួយចំនួនទៅចែកជូនគ្រួសារក្រីក្រ នៅសង្កាត់ពញាពន់ ខណ្ឌព្រែកព្នៅ រាជធានីភ្នំពេញ។

ឆ្លៀតក្នុងឱកាសនោះ លោកបណ្ឌិត ហាន បូរិន បានពន្យល់ប្រជាពលរដ្ឋ លោកពូ អ្នកមីង បងប្អូន អោយយល់ពីតម្លៃ សន្តិភាព មានតែសន្តិភាពទេ ដែលធ្វើអោយមានការអភិរឌ្ឍន៍ លើគ្រប់វិស័យ និងធ្វើឱ្យកម្ពុជាបានបោះជំហានចេញពីប្រទេសរងគ្រោះដោយរបបវាលពិឃាត សង្គ្រាមស៊ីវិល មកជាប្រទេសមានសុខសន្តិភាព និងការអភិវឌ្ឍន៍គ្រប់ទីកន្លែង ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានស្តារ និងកសាងជាតិកម្ពុជាឡើងវិញពីគំនរផេះផង់ឈាម និងបានអនុវត្តកំណែទម្រង់ ដ៏ទូលំទូលាយនិងស៊ីជម្រៅប្រកបដោយផ្លែផ្កានាំឱ្យកម្ពុជាមានការរីកចម្រើនគ្រប់ទិសទី និងគ្រប់បណ្តាលវិស័យ រហូតធ្វើឲ្យមានកំណើនសេដ្ឋកិច្ចជាតិជាង ៧%ក្នុងមួយឆ្នាំ ប្រែក្លាយកម្ពុជាពីប្រទេសក្រីក្រតោកយ៉ាកមកមានចំណូលមធ្យម។

បានធ្វើសមាហរណកម្មទៅក្នុងតំបន់និងពិភពលោក ជាប្រទេសស្មើភាព និងស្មើសិទ្ធិជាមួយប្រទេសនានាលើពិភពលោក ហើយបានចូលរួមយ៉ាង សកម្មជាមួយ អង្គការសហប្រជាជាតិ ថែរក្សាសន្តិភាពនិងកិច្ចការមនុស្សធម៌ពិភពលោក។ ជាងនេះទៅទៀត រាជរដ្ឋាភិបាល បានកសាងខឿនការពារជាតិរឹងមាំ ការពារបានអធិបតេយ្យភាពជាតិ និងបូរណភាព ដែនដីកម្ពុជាបានយ៉ាងល្អ។

លោកបណ្ឌិត បានបន្ថែមទៀតថា ថ្មីថ្មីនេះ កម្ពុជាបានទទួលជោគជ័យដ៌ធំធេងដែលជាមហាកិត្តិយសសម្រាប់ប្រជាជនកម្ពុជា នោះគឺព្រឹត្តិការស៊ីហ្គេម បានធ្វើអោយអន្តរជាតិ ស្ងប់ស្ងែងនិងកើតសសើរ នូវព្រឹត្តិការណ៍ដ៏មហាអស្ចារ្យ មួយនេះ មិនត្រឹមតែប៉ុណ្ណោះ កម្ពុជាបានធ្វើកិច្ចការប្រវត្តិសាស្រ្តថ្មីមួយទៀតនោះ គឺគម្រោងព្រែកជីកហ្វូណនតេជោ ជីកពីផ្លូវទឹកទន្លេរសាប ទម្លុះចូលទៅសមុទ្រ ខេត្តកែប ដើម្បីបង្កលក្ខណងាយស្រួលនិងជាមហាប្រយោជន៍ ដល់សេដ្ឋកិច្ចជាតិ ក្រោមការដឹកនាំដ៏ឈ្លាសវៃរបស់រាជរដ្ឋាភិបាល ដែលមានសម្តេចតេជោ ជាប្រមុខដឹកនាំជាចុងបញ្ចប់ លោកបណ្ឌិត បានអរគុណសន្តិភាព អរគុណនយោបាយ ឈ្នះ ឈ្នះដឹងគុណស្ថាបនិក មគ្គុទ្ទេសក៍ឯក និងប្រតិបត្តិករ នយោបាយឈ្នះ ឈ្នះ ដែលនាំមកនូវសន្តិភាព និងការឯករាជ្យជាតិពេញលេញ និងបានផ្តាំផ្ញើ អោយប្រជាពលរដ្ឋ លោកតា លោកយាយ អ៊ុំ ពូ មីង បងប្អូនទាំងអស់ទៅចូលរួមបោះឆ្នោតអោយបានគ្រប់គ្នា៕ ដោយ ÷ ឧត្តម