ឥណ្ឌា ៖ ក្រុមអតិថិជននៅទីក្រុងភាគកណ្តាល Indoreប្រទេសឥណ្ឌា បានជួបជុំគ្នានៅតាមផ្សារ ដើម្បីរកទិញ​សត្វពពែ​ពូជ​ផ្សេងៗគ្នា នៅមុនពិធីបុណ្យសាសនា Eid al-Adha ។ 

ពិធីបុណ្យ Eid al-Adha ដែលស្ថិតនៅក្នុងចំណោមពិធីបុណ្យ២ដ៏សំខាន់នៅក្នុងសាសនាអ៊ីស្លាម គឺជាការកំណត់​ចំណុចកំពូលនៃធម្មយាត្រាហាជីប្រចាំឆ្នាំ ពេលជនមូស្លីមសម្លាប់សត្វដែលធម្មតាចែកជូនដល់ជនក្រីក្រ ដើម្បីរំឭក​ដល់ឆន្ទៈរបស់ព្យាការី Ibrahim បូជាកូនប្រុសរបស់លោកតាមការបញ្ជារបស់ព្រះ ។ 

អតិថិជននិយាយថា អត្រាតម្លៃសត្វពពែ ខ្ពស់ខ្លាំងណាស់ ចាប់ពីតម្លៃជាង ២៤០ដុល្លារឡើងទៅ ក្នុងនោះពូជពពែល្អ ធ្លាក់មកនៅតម្លៃជាង ៤៨០ដុល្លារទៅ៥៤០ដុល្លារ ៕