អាមេរិក ៖ ក្រុមមន្រ្តីនិយាយថា ស្ពាននៅរដ្ឋ Montana សហរដ្ឋអាមេរិក បានបាក់ចូលក្នុងស្ទឹង Yellowstone បណ្តាល​ឲ្យទូរថភ្លើងជាច្រើនទូធ្លាក់ចូលក្នុងទឹក ។ 

ពួកគេបន្តថា ក្រុមហ៊ុន Montana Rail Link ដែលជាក្រុមហ៊ុនប្រតិបត្តិការថភ្លើង បាននិយាយនៅក្នុងសេចក្តីថ្លែងការណ៍​ថា ទូរថភ្លើងជាច្រើនទូ បានធ្លាក់ចូលទឹកស្ទឹង ។ គ្មានអ្នករងរបួសត្រូវបានរាយការណ៍នោះទេនៅក្នុងចំណោមក្រុមការងាររថភ្លើង រូបភាពវីដេអូឃ្លីប​ដែល​ថត​បាន​រថភ្លើង​ធ្លាក់​ផ្លូវនៅកន្លែងកើតហេតុ ឃើញក្រុមមន្រ្តី និងក្រុមការងារនៅកន្លែងកើតហេតុ ក៏ដូចជាទូរថភ្លើងនៅក្នុងស្ទឹង ។  

ក្រុមហ៊ុននិយាយថា ទូរថភ្លើងទាំងនេះ ដឹកកៅស៊ូចាក់ថ្នល់ និងស្ពាន់ធ័រលាយ គឺជាសារធាតុឆាប់រឹង ពេលដែលវាត្រូវ​សីតុណ្ហភាពត្រជាក់ ។ 

ក្រុមអាជ្ញាធរ និយាយថា រោងចក្របន្សុតទឹក ស្រុកប្រព័ន្ធធារាសាស្រ្ត និងក្រុមហ៊ុនឧស្សាហកម្ម ត្រូវតែប្រុងប្រយ័ត្ន ស្របពេលកើតមានហេតុការណ៍បាក់ស្ពានធ្វើឲ្យរថភ្លើងធ្លាក់ផ្លូវបែបនេះ ៕