ប្រេសុីល ៖ យោងតាមការស្រាវជ្រាវថ្មីមួយបានឱ្យដឹងថា ផ្ទៃដីនៃព្រៃត្រូពិចទំហំប៉ុន​ប្រទេសស្វីសត្រូវបាន​បាត់បង់​កាលពីឆ្នាំមុន ខណៈដែលការកាប់បំផ្លាញដើមឈើបានកើនឡើង។ ទិន្នន័យបង្ហាញថាការកាប់ព្រៃឈើត្រូពិចបានកើនឡើង ១០% កាលពីឆ្នាំ ២០២២ ទោះបីជាមានសេចក្ដីប្រកាស​នៅក្នុងកិច្ចប្រជុំអាកាសធាតុ COP26 ក៏ដោយ។

គ្រាដ៏សំខាន់មួយនៅក្នុងកិច្ចប្រជុំអាកាសធាតុ COP26 កាលពីឆ្នាំ២០២១ មានមេដឹកនាំពិភពលោកជាង ១០០ រូបបានចុះហត្ថលេខាលើសេចក្តីប្រកាស Glasgow ស្តីពីព្រៃឈើ ដែលពួកគេប្តេជ្ញាធ្វើការរួមគ្នាដើម្បី "បញ្ឈប់ និងបំបាត់ការបាត់បង់ព្រៃឈើ ព្រមទាំងការរិចរិលដីនៅឆ្នាំ២០៣០" ។

ឥឡូវនេះការវិភាគថ្មីមួយដែលធ្វើឡើងដោយ អង្គភាពឃ្លាំមើលព្រៃឈើសកល បង្ហាញថាការសន្យាថ្មីដែល​បានធ្វើឡើងនៅទីក្រុង Glasgow នោះមិនត្រូវបានគោរពទេ។ ការបាត់បង់ព្រៃឈើចំណាស់បឋមត្រូពិច ត្រូវបានគេមើលឃើញថាជាមូលហេតុចម្បងសម្រាប់ការឡើងកំដៅផែនដី និងបាត់បង់ជីវចម្រុះ។

ព្រៃជប់ភ្លៀងក្នុងប្រទេសប្រេស៊ីល សាធារណរដ្ឋប្រជាធិបតេយ្យកុងហ្គោ និងឥណ្ឌូនេស៊ី បានស្រូបយកឧស្ម័នផ្ទះ​កញ្ចក់យ៉ាងច្រើន។ ការឈូសឆាយ ឬដុតព្រៃចាស់ៗទាំងនេះ ត្រូវគេមើលឃើញថាបរិមាណ​ឧស្ម័នកាបូនឌីអុកស៊ីត​ដែលបានរក្សាទុកបានបញ្ចេញទៅក្នុងបរិយាកាស ដែលជំរុញឱ្យសីតុណ្ហភាពនៅជុំវិញពិភពលោកកើនឡើង៕