ឥណ្ឌា ៖ ប្រជាជននៅក្នុងរដ្ឋ Assam ភាគឦសាននៃប្រទេសឥណ្ឌា ដែលរងគ្រោះដោយទឹកជំនន់ ត្រូវបង្ខំចិត្តកសាង​ជីវិតរបស់ពួកគេឡើងវិញពីគំនរបាក់បែក បន្ទាប់ពីបាត់បង់លំនៅឋាន និងប្រដាប់ប្រដាប្រើប្រាស់ សម្រាប់ការ​ចិញ្ចឹមជីវិតប្រចាំថ្ងៃរបស់ពួកគេ ដោយសារទឹកជំនន់។

ជនរងគ្រោះដោយទឹកជំនន់នៅក្នុងស្រុក Bajali ត្រូវបានគេឃើញស្នាក់នៅឯជម្រកសង្គ្រោះមួយកន្លែង នៅថ្ងៃអង្គារ (ថ្ងៃទី២៧ ខែមិថុនា) ជាមួយនឹងការខ្វះខាតយ៉ាងច្រើននូវរបស់របរ ដែលពួកគេអាចព្យួរសម្ភារៈប្រើប្រាស់បាន។

ទន្ទឹមនឹងនេះ នៅក្នុងស្រុក Barpeta របស់រដ្ឋ Assam គេបានឃើញថា អ្នកស្រុកកំពុងជួបការលំបាក ពេលដើរឆ្លង​ទឹកជំនន់ ដែលលិចដល់ចង្កេះ។ ចំនួនអ្នកស្លាប់នៅស្រុក Barpeta បានកើនឡើងដល់ ៥នាក់ គិតចាប់តាំងពីថ្ងៃចន្ទ (ទី២៦ ខែមិថុនា) ខណៈដែលអ្នកស្រុកយ៉ាងហោចណាស់ ២.៩១៥នាក់ បានទៅជ្រកកោន ក្នុងជំរុំសង្គ្រោះចំនួន ២៩កន្លែង។

ខ្យល់មូសុងដ៏មានកម្លាំងខ្លាំង គឺតែងតែកើតឡើងជារៀងរាល់ឆ្នាំ នៅក្នុងរដ្ឋ Assam ដោយបណ្តាលឲ្យមានទឹកជំនន់ និងបំបាក់ដី ដែលបង្ខំឲ្យអ្នកស្រុកត្រូវភៀសខ្លួនចេញពីលំនៅឋានរបស់ពួកគេ ដោយបោះបង់ចោលសម្បត្តិរបស់ខ្លួន៕