យោងតាមក្រុមអាជ្ញាធរបានឱ្យដឹងថា មនុស្សពីរនាក់បានស្លាប់ និងជាង ១៥៥.០០០ នាក់បានរងផលប៉ះពាល់នៅក្នុងរដ្ឋអាសាំ (Assam) របស់ប្រទេសឥណ្ឌាកាលពីថ្ងៃចន្ទ (២៦ មិថុនា) ខណៈដែលទឹកជំនន់បានវាយលុករដ្ឋភាគឦសានមួយនេះ និងបង្ខំឱ្យប្រជាជនភៀសខ្លួនទៅនៅជម្រកសង្គ្រោះបណ្តោះអាសន្ន។

អ្នកស្រុកមួយចំនួននៅក្នុងតំបន់ បាចាលី (Bajali) ត្រូវបានគេមើលឃើញកំពុងសម្រាកនៅក្រោមជម្រកបណ្ដោះអាសន្នកាលពីថ្ងៃអង្គារ (២៧ មិថុនា) ខណៈដែលអ្នកផ្សេងទៀតឈរនៅក្នុងផ្ទះដែលលិចទឹក និងខូចខាតនៃផ្នែកខ្លះរបស់ពួកគេ។

ទន្លេព្រហ្មបុត្រ (Brahmaputra) ដែលជាទន្លេដ៏ធំបំផុតមួយរបស់ពិភពលោក និងប្រភពចែកចាយទឹករបស់ទន្លេនេះមួយចំនួន បានបាក់ច្រាំងនៅក្នុងរដ្ឋអាសាំ ដែលបានបណ្ដាលឲ្យជន់លិចភូមិជាច្រើន។

ខ្យល់មូសុងកន្រ្តាក់កើតឡើងជារៀងរាល់ឆ្នាំនៅរដ្ឋអាសាំ បណ្តាលឱ្យមានទឹកជំនន់ និងបំណាក់ដី ដែលបង្ខំឱ្យអ្នកស្រុកជម្លៀសចេញ ដោយបន្សល់ទុកចោលនូវផ្ទះសម្បែង និងហ្វូងបសុសត្វ៕