ក្រុមអាជ្ញាធរអ៊ីតាលីបាននិយាយកាលពីថ្ងៃអង្គារ (២៧ មិថុនា)ថា មនុស្សរាប់សិបនាក់ត្រូវបានចាប់ខ្លួននៅក្នុងការវាយឆ្មក់ថ្មីមួយរបស់នគរបាលប្រឆាំងនឹងក្រុមម៉ាហ្វ្យា “Ndrangheta (អិនដ្រែងហ្គេតា)” ដែលបានបង្ហាញពីសកម្មភាពខុសច្បាប់ជាច្រើនរបស់ក្រុមឧក្រិដ្ឋកម្មមួយនេះ បានរីករាលដាលដល់ប្រទេសអូទ្រីសនិងអាល្លឺម៉ង់។
នគរបាលបាននិយាយនៅក្នុងសេចក្តីថ្លែងការណ៍មួយថា ជនសង្ស័យទាំងនោះ រួមទាំងអ្នកនយោបាយមួយចំនួនមកពីក្រុមឧក្រិដ្ឋកម្ម Ndrangheta ដែលក្រុមនេះមានដើមកំណើតនៅតំបន់ Calabria ប្រឈមមុខនឹងការចោទប្រកាន់ជាច្រើន រួមមានការបង្កើតសមាគមម៉ាហ្វ្យា ឃាតកម្ម ការជំរិតទារប្រាក់ ការគៃបន្លំ ការក្លែងបន្លំកិច្ចសន្យាសាធារណៈ ការស៊ីសំណូក និងការទិញសន្លឹកឆ្នោត។
នគរបាលបាននិយាយថា មនុស្ស២២នាក់ ត្រូវបានដាក់ពន្ធនាគារ ហើយ១២នាក់ត្រូវបានឃុំខ្លួនក្នុងផ្ទះ ៣នាក់ត្រូវបានព្យួរតំណែងការងារនិង ៣នាក់ទៀតត្រូវបានបង្គាប់មិនឱ្យចាកចេញពីទីក្រុងរបស់ពួកគេ ហើយមនុស្សសរុប១២៣នាក់កំពុងស្ថិតនៅក្រោមការស៊ើបអង្កេត។
ក្រុមឧក្រិដ្ឋកម្ម Ndrangheta ដែលមានឫសគល់នៅក្នុងតំបន់ Calabria ភាគខាងត្បូងនៃប្រទេសអ៊ីតាលី មានឥទ្ធិពលខ្លាំងជាងក្រុមឧក្រិដ្ឋកម្ម Cosa Nostra របស់កោះស៊ីស៊ីលី នឹងបានក្លាយជាក្រុមម៉ាហ្វ្យាដ៏មានឥទ្ធិពលបំផុតរបស់ប្រទេសអ៊ីតាលី ហើយត្រូវបានចាត់ទុកថាជាបណ្តាញឧក្រិដ្ឋកម្មដ៏ធំបំផុតមួយនៅក្នុងពិភពលោកផងដែរ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
