ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅយប់ថ្ងៃទី២៨ ខែមិថុនា ឆ្នាំ២០២៣ បា នផ្ញើសារឱ្យដឹងថា ដោយសម្ដេចពិនិត្យឃើញថា ការប្រើប្រាស់បណ្តាញទំនាក់ទំនងសង្គម Telegram មានប្រសិទ្ធភាពខ្ពស់ជាង បើប្រៀបធៀបជាមួយ Facebook។ ដូចនេះចាប់ពីពេលនេះតទៅ សម្ដេចស ម្រេចផ្សាយចេញនូវព័ត៌មានរាប់ទាំងការផ្សាយផ្ទាល់ផងដែរ គឺតាមតែប្រព័ន្ធ Telegram តែមួយប៉ុ ណ្ណោះ ដែលពេលនេះមានជាងប៉ែតសិបប្រាំម៉ឺននាក់បានភ្ជាប់រួចហើយ។

សម្ដេចតេជោនាយករដ្ឋមន្ត្រីបញ្ជាក់បន្ថែមថា ការធ្វើដូចនេះងាយស្រួលដល់សម្ដេច ធ្វើទំនាក់ទំនងជាមួយប្រជាជននៅពេលសម្ដេចធ្វើដំណើរទៅប្រទេសមួយចំនួន ដែលប្រទេសនោះមិនអនុញ្ញាតឱ្យប្រើ Facebook។ សម្ដេចតេជោបន្តថា សម្ដេចនៅតែរក្សា Facebook របស់សម្ដេចដដែល តែសម្ដេចផ្អាកប្រើ ដើម្បីឱ្យអ្នកដែលធ្លាប់ទទួលព័ត៌មានពីសម្ដេចតាម Facebook ងាកមកទទួលព័ត៌មានពីសម្ដេចតាម Telegram, YouTube និង Instagram វិញ។

សម្ដេចតេជោ បានឱ្យដឹងបន្ថែមថា សម្ដេចកំពុងឱ្យអ្នកជំនាញរៀបចំបង្កើត Tik Tok មួយទៀត ដើម្បី សម្ដេចលេងកម្សាន្តជាមួយយុវជន។

សម្ដេចតេជោបញ្ជាក់បន្ថែមថា បងប្អូនដែលចង់បានព័ត៌មានពីសម្ដេច សូមភ្ជាប់ Telegram ដូចជូនភ្ជាប់ជាមួយនេះស្រាប់៕ ដោយ៖ គង់ ឌិន