តំបន់រដ្ឋបាលពិសេសហុងកុង (HKSAR) នឹងបង្កើតផលប្រយោជន៍ពិសេសខ្លួន និងចាប់យកឱកាសដ៏អស្ចារ្យដែលនាំមកដោយការធ្វើសមាហរណកម្មរបស់ខ្លួនទៅក្នុងការអភិវឌ្ឍន៍ជាតិ នេះបើតាមប្រមុខដឹកនាំដែនដីនេះ លោក John Lee Ka-chiu បាននិយាយនៅក្នុងបទសម្ភាសន៍មួយ។

ដើម្បីប្រារព្ធខួបលើកទី២៦ នៃការវិលត្រឡប់របស់តំបន់សេដ្ឋកិច្ចពិសេសនេះទៅកាន់មាតុភូមិវិញ លោក Lee បាននិយាយនៅក្នុងកិច្ចសម្ភាសន៍ទូរទស្សន៍កណ្តាលចិន (CCTV) អំពីយុទ្ធសាស្ត្រអភិវឌ្ឍន៍របស់ហុងកុងថា គោលដៅរបស់លោកក្នុងការពង្រឹងសេដ្ឋកិច្ច និងការប្រកួតប្រជែងរបស់ហុងកុង (HKSAR) គឺដើម្បីបង្រួបបង្រួម និងពង្រីកគុណសម្បត្តិរបស់ខ្លួនជា "មជ្ឈមណ្ឌលទាំងប្រាំបី" ដែលកំណត់ដោយផែនការប្រាំឆ្នាំលើកទី១៤។

យោងតាមលោក Lee បានឲ្យដឹងថា ការសាងសង់មហាតំបន់ឆ្នេរ គ័ងតុង-ហុងកុង-ម៉ាកាវ ក៏កំពុងនាំមកនូវឱកាសជាច្រើនដល់ហុងកុងផងដែរ។

ទិន្នន័យបានបង្ហាញថា ក្នុងរយៈពេលប្រាំខែដំបូងនៃឆ្នាំ២០២៣នេះ ពាណិជ្ជកម្មរវាងតំបន់រដ្ឋបាលពិសេសហុងកុង និងប្រទេសចិនបានឈានដល់ចំនួន ៧៦២,០៣ ពាន់លានយ័ន (ប្រហែល១០២,៤២ពាន់លានដុល្លារអាមេរិក) ដែលបានកើនឡើង២,៣ភាគរយបើធៀបនឹងឆ្នាំមុន៕