ក្រុមអាជ្ញាធរក្នុងស្រុកប៉េរូ បានបង្កើតផែនការជម្លៀសខ្លួនអ្នកដែលប្រឈមនឹងគ្រោះថ្នាក់ដោយសារភ្នំភ្លើង Ubinas ស្ថិតនៅភាគខាងត្បូងប្រទេស ដែលបានបង្ហាញពី​សញ្ញាកម្រើក​កើន​ឡើង ចាប់តាំងពីដើមខែនេះ ។

រូបភាពវីដេអូឃ្លីបបញ្ចេញដោយមន្ទីរសង្កេតការភ្នំភ្លើងនៃវិទ្យាស្ថានភូគព្ភសាស្រ្ត រ៉ែ និងលោហធាតុ(INGEMMET) ឃើញសំណុំផ្សែងបុកឡើងលើអាកាសហើយផេះ​ព្រួសចេញ​ពីមាត់​ភ្នំ​ភ្លើង Ubinas នៅក្នុងសប្តាហ៍នេះ ។

យោងតាមការអះអាងរបស់ក្រុមអាជ្ញាធរ បានឲ្យដឹងថា ការបំភាយឧស្ម័នបានឡើងដល់រយៈកម្ពស់ ១,៥គ.មពីលើកំពូលភ្នំភ្លើង ក្នុងរយៈពេលប៉ុន្មានថ្ងៃចុងក្រោយនេះ។ ភ្នំភ្លើង Ubinas ស្ថិតក្នុងតំបន់ Moqueguaគឺជាភ្នំភ្លើងកម្រើកខ្លាំងជាងគេបំផុតនៅក្នុងប្រទេសប៉េរូ ។ ភ្នំភ្លើងនេះ ត្រូវបានគេរាយការណ៍ថា បានកម្រើកខ្លាំងកាលពីឆ្នាំ ២០២៩ បង្ខំឲ្យមានការ​ជម្លៀស​មនុស្ស​នៅក្នុងតំបន់សហគមន៍ក្បែរៗនោះ។ សូមបញ្ជាក់ថា តំបន់ភាគខាងត្បូងប្រទេសប៉េរូ គឺជាតំបន់សម្បូរដោយភ្នំភ្លើងរស់រាប់សិបកន្លែង៕