ក្រុមអាជ្ញាធរបាននិយាយកាលពីថ្ងៃព្រហស្បតិ៍ថា មនុស្ស ៤នាក់ បានស្លាប់នៅក្នុងទីក្រុង KwaZulu-Natal នៃប្រទេសអាហ្វ្រិកខាងត្បូង បន្ទាប់ពីខេត្តភាគអាគ្នេយ៍ ត្រូវបានវាយប្រហារ​ដោយ​ភ្លៀង​ធ្លាក់ខ្លាំង និងព្យុះកួច។

ខ្យល់បោកបក់ដ៏ខ្លាំង និងទឹកភ្លៀងបានបំផ្លាញផ្លូវថ្នល់ បណ្ដាឲ្យផ្ទះសម្បែង និងប្រព័ន្ធលូជន់លិច ព្រមទាំងមកមានព្យុះកួច​ដែលបានវាយប្រហារភាគខាងជើងនៃទីក្រុងកំពង់ផែ Durban កាលពី​ថ្ងៃអង្គារ។

នាយកដ្ឋានគ្រប់គ្រងគ្រោះមហន្តរាយខេត្តបាននិយាយនៅក្នុងសេចក្តីថ្លែងការណ៍មួយថា "គួរឱ្យសោកស្ដាយណាស់ រហូតមកដល់ពេលនេះមនុស្សបួននាក់ ត្រូវបានបញ្ជាក់ថា​បានបាត់​បង់ជីវិត"​។ ហើយបានបន្ថែមថាមនុស្ស ៣ នាក់បានស្លាប់នៅក្នុងទីក្រុង Durban និងមនុស្សទី ៤ ស្លាប់នៅទីក្រុង KwaZulu-Natal ហើយមនុស្សទី ៥ បានបាត់ខ្លួន ព្រមទាំងមនុស្សជាង ១៥០នាក់គ្មានផ្ទះសម្បែង។

ក្រុមអ្នកជំនាញបានព្រមានថា ទឹកជំនន់ និងស្ថានភាពអាកាសធាតុដ៏ធ្ងន់ធ្ងរផ្សេងទៀត កាន់តែមានឥទ្ធិពល និងកើតឡើងជាញឹកញាប់ នៅពេលដែលពិភពលោកកាន់តែក្តៅ ដោយសារតែបម្រែបម្រួលអាកាសធាតុ៕