ក្រុមបុរាណវិទូជនជាតិអេស៉្បាញបានគូដ្យាក្រាមយ៉ាងលម្អិតនៃបំណែកកប៉ាល់សម័យហ្វីនិស្យា ដែលមានអាយុកាល ២.៥០០ឆ្នាំ ដើម្បីជួយរកវិធីល្អបំផុត ក្នុងការស្រង់វាចេញពីសមុទ្រ មុនពេលត្រូវបានព្យុះបំផ្លាញជារៀងរហូត។

កប៉ាល់ Mazarron II ប្រវែង ៨ម៉ែត្រ ដែលត្រូវបានដាក់ឈ្មោះតាមក្រុងនៅតំបន់ Murcia ភាគអាគ្នេយ៍នៃប្រទេសអេស្ប៉ាញ ជាកន្លែងដែលកប៉ាល់ត្រូវបានគេរកឃើញនៅឆ្នេរសមុទ្រ គឺជាចំណែកដ៏ពិសេសតែមួយគត់នៃវិស្វកម្មសមុទ្របុរាណ។

អ្នកបច្ចេកទេស ៩នាក់មកពីសាកលវិទ្យាល័យ Valencia បានឆ្លងកាត់ការមុជទឹក៥៦០ម៉ោង ក្នុងរយៈពេលជាង ២សប្តាហ៍ នៅក្នុងខែមិថុនា ដើម្បីកត់ត្រារាល់ការប្រេះស្រាំ និងស្នាមដាច់តូចៗ នៅក្នុងកប៉ាល់ ដែលស្ថិតនៅចម្ងាយ ៦០ម៉ែត្រ ពីឆ្នេរ Playa de la Isla របស់ក្រុង Mazarron។

នៅចុងឆ្នាំនេះ អ្នកជំនាញនឹងណែនាំពីរបៀបការពារ និងរបៀបយកមកវិញនូវបំណែករបស់កប៉ាល់នេះ ដែលអាចនឹងកើតឡើង នៅដើមរដូវក្តៅក្រោយ៕