កំពង់ឆ្នាំង ៖ គណបក្សប្រជាជនកម្ពុជាខេត្តកំពង់ឆ្នាំង នៅព្រឹកថ្ងៃទី១ ខែកក្កដា ឆ្នាំ ២០២៣នេះ បានរៀបចំពិធីជួបជុំសមាជិក-សមាជិការបស់ខ្លួនជាង៣ម៉ឺននាក់ ដើម្បីបើកយុទ្ធនាការឃោសនាបោះឆ្នោត និង អបអរសាទរខួបអនុស្សាវរីយ៍លើកទី៧២ថ្ងៃកំណើតរបស់គណបក្សប្រជាជនកម្ពុជា។

ពិធីជួបជុំនេះ ធ្វើឡើង នៅសង្កាត់កំពង់ឆ្នាំង ក្រុងកំពង់ឆ្នាំង ក្រោមអធិបតីភាពដ៏ខ្ពង់ខ្ពស់របស់សម្ដេចចៅហ្វាវាំង គង់ សំអុល សមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជាចុះមូលដ្ឋានខេត្តកំពង់ឆ្នាំង និងឯកឧត្តមបណ្ឌិតសភា ចារ្យអ៊ុក រ៉ាប៊ុន សមាជិកអចិន្រ្តៃយ៍គណៈកម្មាធិការកណ្តាលគណបក្សប្រជាជនកម្ពុជា និង ជាអនុប្រធានទី១ ក្រុមការងារថ្នាក់កណ្តាលចុះមូលដ្ឋានខេត្តកំពង់ឆ្នាំង ឯកឧត្តម ស៊ុន សុវណ្ណារិទ្ធិ ប្រធានគណកម្មាធិការគណបក្សប្រជាជនកម្ពុជាខេត្តកំពង់ឆ្នាំង ឯកឧត្តម ឡុង ឈុនឡៃ អនុប្រធានគណកម្មាធិការគណបក្សប្រជាជនកម្ពុជាខេត្ត ព្រមទាំងមានការអញ្ជើញចុលរួមពីសំណាក់ថ្នាក់ដឹកនាំក្រុមកងារងាថ្នាក់កណ្តាល និង ថ្នាក់ខេត្ត និង សមាជិក-សមាជិកាចូលរួមចំនួន ប្រមាណជាង៣ម៉ឺនាក់។

ក្បួនដង្ហែបានជួបជុំគ្នាដែលមានសមាជិកសមាជិការចូលរួម ដោយមានក្បួន នាំមុខដោយកង់ និង ម៉ូតូធំ រថយន្តបានដង្ហែតាមបណ្តោយផ្លូវជាតិលេខ៥ ឆ្លងកាត់វិមានឯករាជ្យ ដោយបានទទួលស្វាគមន៍ ប្រកបដោយក្តីស្រឡាញ់ ទឹកមុខសប្បាយរីករាយ ពីសំណាក់         សម្តេច ចៅហ្វាគង់សំអុល ឯកឧត្តម បណ្ឌិតសភាចារ្យអ៊ុក រ៉ាប៊ុន និងថ្នាក់ដឹកនាំក្រុមការងារយ៉ាងច្រើនផងដែរ និង បានដង្ហែរឆ្ពោះចេញទៅតាមសង្កាត់ទាំង៤របស់ក្រុងកំពង់ឆ្នាំង និងបានឆ្ពោះទៅតាមមូលដ្ឋានស្រុក និងឃុំ ផងដែរ ។

 យោងតាមការបញ្ជក់របស់ លោកស្រី នួន ចាន់នី ប្រធានគណកម្មាធិការរៀបចំការបោះឆ្នោតខេត្តកំពង់ឆ្នាំងបានអោយដឹងថា នៅថ្ងៃដំបូងនៃយុទ្ធនាការឃោសនានេះ យោងតាមការស្នើរសុំរបស់គណបក្សប្រជាជនកម្ពុជាខេត្តកំពង់ឆ្នាំង មានសមាជិកចូលរួមដង្ហែក្បួន ក្នុងយុទ្ធនាការឃោសនាបោះឆ្នោតនេះអ្នកចូលរួមប្រមាណ៣ម៉ឺននាក់ និង មធ្យោបាយមាន រថយន្តធំ១៣៦គ្រឿង រថយន្តតូចចំនួន៧១១គ្រឿង ម៉ូតូ ៥៣៣០គ្រឿង ទូកតូច៦គ្រឿង មេក្រូ៥០គ្រឿង ឆៃយ៉ាំ១៦ក្រុម និង ធុងបាស ការប្រគុំតន្រ្តីសម័យ ៣៤ ទីតាំង ។

គួរបញ្ចាក់យុទ្ធនាការឃោសនាបោះឆ្នោតជ្រើសតាំងតំណាងរាស្រ្ដនីតិកាលទី៧ មានរយៈពេល២១ថ្ងៃ ចាប់ពីថ្ងៃទី ១ ខែកក្កដា ដល់ថ្ងៃទី ២១ ខែកក្កដា ឆ្នាំ ២០២៣។ ចំណែកឯការបោះឆ្នោត នឹងប្រព្រឹត្តទៅនៅថ្ងៃទី ២៣ ខែកក្កដា ឆ្នាំ ២០២៣៕ ដោយ ÷ ហុងវាស្នា