រដ្ឋប៊ីហា (Bihar) ភាគខាងកើតនៃប្រទេសឥណ្ឌាបានបើកភោជនីយដ្ឋានសម្រាប់អ្នកកែភេទដំបូងគេរបស់រដ្ឋ ដែលគ្រប់គ្រងដោយសហគមន៍អ្នកស្រឡាញ់ភេទដូចគ្នា (ស្រ្តីស្រឡាញ់ភេទដូចគ្នា ភេទទីបី អ្នកស្រលាញ់ចម្រុះភេទ អ្នកប្តូរភេទ) នៅថ្ងៃអាទិត្យ (២ កក្កដា)នេះ។

ការដំណើរការដោយសហគមន៍អ្នកស្រឡាញ់ភេទដូចគ្នាបានធ្វើឱ្យភោជនីយដ្ឋាននេះមានលក្ខណពិសេស និងបើកចំហរឱកាសការងារសម្រាប់មនុស្សដែល​ជា​ស្ថិតិក្នុងសហគមន៍​អ្នកស្រលាញ់​ភេទដូចគ្នា​ដែលខ្វះខាតមួយនោះ។

ប្រតិបត្តិករភោជនីយដ្ឋាននេះ គឺអ្នកស្រី Reshma Prasad បាននិយាយថា ភោជនីយដ្ឋាននេះ​គឺជាគំនិតផ្តួចផ្តើមដោយអង្គការក្រៅរដ្ឋាភិបាល (អង្គការមិនរកប្រាក់ចំណេញ) "Safar Dostana" រួមជាមួយនឹងរដ្ឋាភិបាលនៃរដ្ឋ ប៊ីហា។

ប្រទេសឥណ្ឌាមានចំនួនអ្នកកែភេទប្រហែល២លាននាក់ នេះបើយោងតាមជំរឿនឆ្នាំ២០១១។ ហើយទោះបីជាតុលាការកំពូលបានកាត់ក្តីកាលពីឆ្នាំ២០១៤ថា អ្នកប្តូរភេទមានសិទ្ធិស្មើគ្នា​នៅក្រោមច្បាប់ក៏ដោយ ក៏ពួកគេទាំងនោះត្រូវបានមើលរំលង ហើយមនុស្សជាច្រើន​រស់បានតាមរយៈការសុំទាន ឬធ្វើការងារផ្លូវភេទ៕