អតីតប្រធានាធិបតីអាមេរិកលោក Donald Trump បាននិយាយវាយប្រហារលោកប្រធានាធិបតីអាមេរិក Joe Biden នៅក្នុងការជួបជុំមួយនៅទីក្រុង Pickens រដ្ឋ South Carolina កាលពីថ្ងៃសៅរ៍ (១ កក្កដា) ដោយហៅលោក Biden ថាជា "ឧក្រិដ្ឋជន និងជាមនុស្សកុហក" ។

នៅក្នុងការប្រមូលផ្តុំគ្នាដែលប្រារព្ធពិធីបុណ្យទិវា ៤កក្កដានោះ បេក្ខជនប្រធានាធិបតីនៃគណបក្សសាធារណរដ្ឋរូបនេះ បាននិយាយថា លោក Biden គឺគ្មានសមត្ថភាព និងពុករលួយ ដោយបន្ថែមថា រដ្ឋបាលរបស់លោក Biden អាចនាំឱ្យមានសង្គ្រាមលោកលើកទី៣។

ការស្ទង់មតិជាតិបានបង្ហាញយ៉ាងជាប់លាប់ថាលោក Trump ជាអ្នកនាំមុខទី២ក្នុងការប្រជែង​បឋមរបស់គណបក្សសាធារណរដ្ឋ។

ការស្ទង់មតិរបស់សារព័ត៌មាន Reuters និងក្រុមហ៊ុនស្រាវជ្រាវទីផ្សារ Ipsos នៅដើមខែនេះ បានបង្ហាញថា សំលេង ៤៣% នៃគណបក្សសាធារណរដ្ឋដែលកំណត់អត្តសញ្ញាណដោយ​ខ្លួនឯងបាននិយាយថា លោក Trump គឺជាបេក្ខជនដែលពួកគេពេញចិត្ត បើប្រៀបធៀបទៅ​នឹងសំលេង ២២% ដែលបានជ្រើសរើសគឺអភិបាលរដ្ឋ ហ្វ្លរីដា លោក Ron DeSantis៕