បារាំង៖ ជីដូន របស់យុវជនវ័យ១៧ ឆ្នាំម្នាក់ ដែលត្រូវបានបាញ់សម្លាប់ ដោយមន្ត្រីនគរបាលនៅជាយទីក្រុងប៉ារីស បានអំពាវនាវឲ្យបញ្ចប់អំពើហិង្សាដែល បានផ្ទុះឡើង ក្រោយការស្លាប់របស់យុវជននេះ ខណៈក្រុមអាជ្ញារបារាំង បានត្រៀមទប់ទល់អំពើកុបកម្មយប់ទី៦ ។

ជីដូន របស់ជនរងគ្រោះ ណាហេល ម៊ើហ្សូក (Nahel Merzouk) បានអំពាវនាវដល់ក្រុមអ្នកគាំទ្រ កាលពីថ្ងៃអាទិត្យ ដោយបានប្រាប់សារព័ត៌មាន BFMTV ដែលមានសម្ព័ន្ធភាពជាមួយសារព័ត៌មាន CNN ថា ពួកគេមិនគួរបំផ្លិចបំផ្លាញសាលារៀនឡើយ ពួកគេមិនគួរវាយកម្ទេចរថយន្តក្រុងទេ វាជារថយន្តក្រុង ដែលម្ដាយគ្រប់រូបជិះ ។ 

ជីដូន ដែលសារព័ត៌មាន BMFTV បានហៅឈ្មោះ ថា ណាឌៀ (Nadia) បាននិយាយថា ខ្ញុំហត់នឿយណាស់ ដោយបន្ថែមថា ម្ដាយណាហេល ពុំមានជីវិតរស់នៅទៀតទេ។  

យោងតាមក្រុមអ្នកផលិតកម្មវិធីរបស់សារព័ត៌មាន CNN នៅក្នុងប្រទេសបារាំង ស្ថានភាពទូទាំងប្រទេសបារាំងចាប់តាំងពីថ្ងៃអាទិត្យ មានភាពធូរស្រាលបន្តិចជាងកាលពីថ្ងៃសៅរ៍ ដោយ មានសេចក្ដីរាយការណ៍តែការតវ៉ាប៉ុណ្ណោះ ប៉ុន្តែអំពើហិង្សាបានកើតឡើង បន្ទាប់ពីព្រះអាទិត្យលិច ៕