ចិន ៖ ភ្លៀងធ្លាក់ខ្លាំងបានបង្កជាទឹកជំនន់ដ៏គំហុក និងបំណាក់ដីនៅតំបន់ភ្នំនៃខេត្តអានហួយ (Anhui) និងទីក្រុងឆុង​ឈីង (Chongqing) នៅភាគខាងកើត និងភាគនិរតីនៃប្រទេសចិន ហើយអ្នកស្រុកដែល​រងផលប៉ះពាល់​ត្រូវបាន​ជម្លៀសចេញភ្លាមៗ។

តំបន់សឺស៊ាន (Shexian) នៃខេត្តអានហួយ បានអនុវត្តន៍វិធានការឆ្លើយតបបន្ទាន់ចំពោះទឹកជំនន់បន្ទាប់ពីមាន​ភ្លៀង​ធ្លាក់ខ្លាំងចាប់ពីយប់ថ្ងៃសុក្រដល់ព្រឹកថ្ងៃសៅរ៍ បានធ្វើឱ្យទឹកទន្លេជោរជន់ហើយបណ្តាល​ឱ្យមាន​លំហូរល្បប់ភក់​នៅក្នុងទីប្រជុំជនដាច់ស្រយាលមួយចំនួន។

បំណាក់ដីបន្ទាប់ពីភ្លៀងធ្លាក់ខ្លាំងបានធ្វើអោយកម្មករ ១០នាក់ជាប់នៅក្នុងភូមិហ៊្វូស៊ីង (Fuxing) នៃតំបន់ស៊ីវសាន (Xiushan) ទីក្រុងឆុងឈីង (Chongqing) កាលពីយប់ថ្ងៃសៅរ៍។ ក្រោយទទួលបានការអំពាវនាវរកជំនួយនោះ កងកម្លាំងពន្លត់អគ្គិភ័យមូលដ្ឋានបានបញ្ជូនរថយន្ត១គ្រឿង និងអ្នកជួយសង្គ្រោះ៧នាក់ទៅដល់ទីតាំងនោះ។

ភ្លៀងបានរាំងកាលពីថ្ងៃអាទិត្យ ហើយកម្មករកំពុងប្រញាប់ប្រញាល់យកសំណាត់ចេញពីផ្លូវ និងជួសជុល​កន្លែងផ្គត់ផ្គង់អគ្គិសនី។ កម្មករក្នុងស្រុកកំពុងឈូសឆាយ និងជួសជុលផ្លូវ ព្រមទាំងស្ពានដែលរងការខូចខាត។