អាមេរិក ៖ ស្របពេលដែលអាកាសធាតុក្តៅហួតហែងបន្តកើតមាននៅតំបន់ភាគខាងលិចសហរដ្ឋអាមេរិក ប្រជាពលរដ្​ឋរស់នៅក្នុងរដ្ឋ Arizona ស្វែងរកភាពត្រជាក់នៅតាមសួនបាញ់ទឹក មុនពេលប្រារព្ធពិធីបុណ្យឯករាជ្យជាតិ ៤ កក្កដា ។ 

យោងតាមការអះអាងរបស់សេវាកម្មឧតុនិយមជាតិ បានឲ្យដឹងថា សីតុណ្ហភាពនៅទីក្រុង Phoenix (ហ្វីនិក) បានកើន​ឡើងដល់ជាង ៤៦,៦អង្សាសេ កាលពីថ្ងៃចន្ទ ។ 

លោកយាយ Vida Garza វ័យ ៧១ឆ្នាំ បានធ្វើឲ្យខ្លួនរបស់គាត់ត្រជាក់នៅក្បែរអាងបាញ់ទឹក ជាទីដែលលោក​យាយឈរនៅពីក្រោមទឹកបាញ់ ។ 

 លោកយាយនិយាយថា បើសិនជាអ្នកធ្វើឲ្យខ្លួនឯងសើមនៅពេលឥឡូវនេះ ហើយអ្នកក្តៅ អ្នកនឹងមិនមាន​អារម្មណ៍​ក្តៅនោះទេ នោះហើយគឺជាអ្វីដែលអ្នកត្រូវធ្វើ ។ អ្នកក៏អាចនៅក្នុងបន្ទប់មានម៉ាស៊ីនត្រជាក់ ឬអ្នកចេញក្រៅ​រកភាព​ត្រជាក់ ហើយនិងលេងទឹក អ្នកដើរសួនម្នាក់ទៀត គឺអ្នកនាង Ka-Desha Kingវ័យ ២៦ឆ្នាំ​ និយាយថា កម្តៅធ្វើ​ឲ្យការងារស្រួលៗពុំអាចទ្រាំបាន ។ វាក្តៅខ្លាំងណាស់ ហើយវាពិតជាហត់ខ្លាំងណាស់ ហត់ខ្លាំង​បំផុតអ្វីៗ​សម្រាប់គ្រប់បែបយ៉ាង ។ 

សេវាកម្មឧតុនិយមជាតិ រាយការណ៍ថា ប្រជាពលរដ្ឋអាមេរិកប្រហែល ៦២លាននាក់នៅភាគកណ្តាលរដ្ឋ Arizonaទូទាំងរដ្ឋ Texas និងតំបន់ Deep South និងរហូតដល់រដ្ឋ Floridaស្ថិតក្រោមការឃ្លាំមើល​អាកាសធាតុ​ក្តៅខ្លាំង ការព្រមាន និងសេចក្តីជូនដំណឹងពីរលកម្តៅរហូតដល់ថ្ងៃទី ៤ ខែកក្កដានេះ ៕