ថៃ ៖ គណបក្សឆ្ពោះទៅមុខ (Move Forward) និងគណបក្សភឿថៃ (Pheu Thai) បានតែងតាំងមេដឹកនាំគណបក្ស Prachachat លោក Wan Muhamad Noor Matha ជា ប្រធានសភា ដោយបញ្ចប់ជម្លោះនយោបាយ​ជាច្រើន​សប្តាហ៍​ជុំវិញតំណែងនេះ។

សមាជិកសភាដែលទើបជាប់ឆ្នោតថ្មីកោះប្រជុំនៅថ្ងៃអង្គារនេះជាលើកដំបូង ហើយប្រធានបទទីមួយនៅក្នុងរបៀបវារៈ គឺជ្រើសរើសប្រធានសភាថ្មី ជាមុខតំណែងដែលជាចំណុចតភ្ជាប់គ្នានៃភាពមិនចុះសម្រុងរវាងគណបក្សទាំងពីរ។

ការជ្រើសរើសលោក Wan ជាបេក្ខជនឯកច្ឆន្ទរបស់ក្រុមនៅម៉ោងទី១១ នៃកិច្ចប្រជុំ បង្ហាញពីបញ្ហាប្រឈម​ខាងមុខ​សម្រាប់សម្ព័ន្ធភាពប្រាំបីគណបក្សដែលដឹកនាំដោយបេក្ខជននាយករដ្ឋមន្ត្រីរបស់ខ្លួនលោក Pita Limjaroenrat ដែលត្រូវបានបង្កើតឡើងបន្ទាប់ពីការបោះឆ្នោត។

ជម្លោះសាធារណៈ រវាងគណបក្សឆ្ពោះទៅមុខ និងគណបក្សភឿថៃ ជុំវិញតួនាទីប្រធានសភានេះ បានជំរុញឱ្យមាន​ការរំពឹងទុកថា តើពួកគេនឹងត្រូវបែកបាក់គ្នាមុនពេលលោក Pita អាចទទួលយកតំណែងកំពូលបាន ឬយ៉ាងណា។

ឥឡូវនេះលោក Wan ត្រូវបានគេរំពឹងថានឹងកំណត់កាលបរិច្ឆេទសម្រាប់​ការបោះឆ្នោតជ្រើសរើស​មេដឹក​នាំបន្ទាប់​របស់ប្រទេស។ តាមច្បាប់បោះឆ្នោតថៃ នាយករដ្ឋមន្ត្រីត្រូវបានបោះឆ្នោតជ្រើសរើសដោយ អាសនៈរួមនៃ​សភាពេញអង្គពីរ រួមទាំងព្រឹទ្ធសភានៃសភាជាន់ខ្ពស់ផងដែរ៕