កំពង់ធំ៖រដ្ឋបាលខេត្តកំពង់ធំប្រកាសថា មនុស្ស០៦នាក់បន្ថែមទៀត ត្រូវបានរកឃើញឆ្លងជំងឺកូវីដ-១៩ ក្នុងនោះ០៥នាក់សុទ្ធតែជាអ្នកធ្វើដំណើរវិលត្រឡប់ទៅខេត្តកំពង់ធំ។
ក្នុងសេចក្ដីប្រកាសព័ត៌មានកាលពីម្សិលមិញរដ្ឋបាលខេត្តកំពង់ធំបានបញ្ជាក់ថា អ្នកជំងឺកូវីដ-១៩ទាំង០៦នាក់ខាងលើមាននៅក្រុងស្ទឹងសែនចំនួន០២នាក់ដែលអ្នកទាំងពីរបានធ្វើដំណើរមកពីរាជធានីភ្នំពេញ ស្រុកតាំងគោកចំនួន០៣នាក់ដែល០២នាក់បានធ្វើដំណើរពីរាជធានីភ្នំពេញនិង០១នាក់ផ្សេងទៀតធ្វើដំណើរមកពីប៉ោយប៉ែត និងស្រុកកំពង់ស្វាយចំនួន០១នាក់។
ក្នុងសេចក្ដីប្រកាសព័ត៌មានដដែលនេះរដ្ឋបាលខេត្តកំពង់ធំបានឱ្យដឹងទៀតថា អ្នកជំងឺកូវីដ-១៩ទាំង០៦នាក់នេះបានដាក់ឱ្យសម្រាកព្យាបាលនៅមន្ទីរពេទ្យខេត្តនិងមន្ទីរពេទ្យបង្អែកបារាយណ៍-សន្ទុក។
គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ២១៤៩៩នាក់គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕អត្ថបទ ៖ សុធី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
