សំណុំផ្សែងខ្មៅបានហុយលើអាកាសពីលើទីក្រុង Jenin ស្ថិតក្នុងតំបន់កាន់កាប់វ៉េសប៊ែងនាថ្ងៃអង្គារនេះ ស្របពេលដែលប្រតិបត្តិការវាយឆ្មក់របស់អ៊ីសា្រអែល ឈានចូលដល់ថ្ងៃទី ២។

ក្រោយការប្រយុទ្ធគ្នាដ៏ខ្លាំងក្លាបំផុតនៅទីក្រុងតំបន់វ៉េសប៊ែងមួយនេះនារយៈពេលជាង ២ទសវត្សរ៍កន្លងមកនេះ ដោយបានសម្លាប់ជនប៉ាឡេស្ទីន ១០នាក់ និងមនុស្សរាប់ពាន់នាក់ផ្សេងទៀតរត់ភៀសខ្លួន ជំនួយការជាន់ខ្ពស់មួយរូបរបស់នាយករដ្ឋមន្រ្តីអ៊ីស្រាអែលលោក Benjamin Netanyahuបាននិយាយនៅថ្ងៃអង្គារនេះថា អ៊ីស្រាអែលជិតបញ្ចប់ប្រតិបត្តិការរបស់ពួកគេហើយនៅទីក្រុង Jenin ។

ដោយបើកការវាយប្រហារកាលពីព្រឹកថ្ងៃចន្ទ ការវាយឆ្មក់នេះ ពាក់ព័ន្ធនឹងកងកុម្មង់ដូរាប់រយនាក់ គាំទ្រដោយយានដ្រូន បង្ខំឲ្យរដ្ឋបាលប៉ាឡេស្ទីនគាំទ្រដោយអន្តរជាតិ ផ្អាកការទាក់ទងជាមួយអ៊ីស្រាអែល ហើយនិងធ្វើឲ្យកើតមានក្តីបារម្ភរបស់សហរដ្ឋអាមេរិក និងអង្គការសហប្រជាជាតិ(UN)ពីស្ថានភាពមនុស្សធម៌ ។

អ៊ីស្រាអែលនិយាយថា ប្រតិបត្តិការនៅជំរំជនភៀសខ្លួនដូចជាលំនៅដ្ឋានក្នុងទីក្រុង Jeninដែលគេដាក់ឈ្មោះ “ផ្ទះ និងសួនច្បារ” គឺមានគោលដៅជីកឫសក្រុមប្រដាប់អាវុធប៉ាឡេស្ទីនគាំទ្រដោយអ៊ីរ៉ង់ ដែលនៅពីក្រោយការហក់ឡើងខ្ពស់ ការវាយប្រហារដោយអាវុធ និងគ្រាប់បែកកាលពីពេលថ្មីៗនេះ ក៏ដូចជាកិច្ចខិតខំបឋមរបស់ពួកគេ ដើម្បីផលិតគ្រាប់រ៉ុក្កែត ។

ក្រសួងសុខាភិបាលប៉ាឡេស្ទីន និយាយថា ជនប៉ាឡេស្ទីនម្នាក់ដែលបានរងរបសអំឡុងពេលការប៉ះទង្គិចគ្នា បានស្លាប់កាលពីយប់ ហើយនិងសាកសពមនុស្សម្នាក់ផ្សេងទៀត ត្រូវបានរកឃើញនៅព្រឹកថ្ងៃអង្គារនេះ ធ្វើឲ្យចំនួនមនុស្សស្លាប់សរុបកើនឡើងដល់ ១០នាក់ ហើយនិងមនុស្សប្រហែល ១០០នាក់ទៀត រងរបួស ក្នុងនោះមនុស្ស ២០នាក់នៃចំណោមពួកគេ មានស្ថានភាពធ្ងន់ធ្ងរ ៕