ភ្នំពេញ ៖ ច្បាប់ស្ដីពីវិសោធនកម្មច្បាប់បោះឆ្នោត ដែលរដ្ឋសភាបានអនុម័តកាលពីថ្ងៃទី២៣ ខែមិថុនា ឆ្នាំ២០២៣ នាសម័យប្រជុំរដ្ឋសភាលើកទី៩ នីតិកាលពី៦ ហើយដែលព្រឹទ្ធសភាបានពិនិត្យចប់សព្វគ្រប់លើទម្រង់ និង គតិច្បាប់នេះទាំងស្រុងកាលពីថ្ងៃទី២៩ ខែមិថុនា ឆ្នាំ២០២៣ នាសម័យប្រជុំពេញអង្គលើកទី១០ នីតិកាលទី៤ ព្រមទាំងត្រូវបានក្រុមប្រឹក្សាធម្មនុញ្ញប្រកាសថា ស្របនឹងរដ្ឋធម្មនុញ្ញក្នុងសេចក្ដីសម្រេច ចុះថ្ងៃទី៣ ខែកក្កដា ឆ្នាំ២០២៣ ត្រូវបានព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ ឡាយព្រះហស្តលេខា​ឱ្យប្រើប្រាស់នៅថ្ងៃទី៤ ខែកក្កដា ឆ្នាំ២០២៣។

ការធ្វើវិសោធនកម្មច្បាប់នេះ ជាផ្នែកមួយនៃការកែទម្រង់«សិទ្ធិក្នុងការឈរឈ្មោះឱ្យគេបោះឆ្នោត»នៅក្នុង​ដំណើរ​ការប្រជាធិបតេយ្យ ដើម្បីឱ្យអនាគតមេដឹកនាំ ដែលត្រូវជ្រើសរើសតាមរយៈការបោះឆ្នោត ទាំងនៅថ្នាក់ជាតិ និងថ្នាក់ក្រោមជាតិ មានការទទួលខុសត្រូវជាងមុនក្នុងនាមជាពលរដ្ឋល្អរបស់​ជាតិនៅក្នុងសង្គមប្រជាធិបតេយ្យ៕

​

ដោយ៖ គង់ ឌិន