អ្នកកាន់សាសនាហិណ្ឌូចុះងូតទឹកពិសិដ្ឋ និងថ្វាយការបួងសួងដល់ទេវៈបំផ្លាញលោកគឺព្រះសិវៈ នៅថ្ងៃអង្គារ (០៤ កក្កដា)នេះ ខណៈដែលពួកគេប្រារព្ធពិធីចាប់ផ្តើមខែ 'Shravan' (ខែហិណ្ឌូមូសុង) នៅក្នុងប្រទេសឥណ្ឌា។

នៅភាគខាងជើងទីក្រុងវ៉ារ៉ាណាស៊ី (ពារាណសី) ក្រុមអ្នកគោរពបូជាសាសនាបានងូតទឹកនៅក្នុងទន្លេគង្គាដ៏ពិសិដ្ឋ ខណៈពេលដែលបព្វជិតធ្វើពិធី 'Bhasm Aarti'(វ៉ាសឹម អារៈតី) (ពិធីកម្មពិសិដ្ឋជាមួយផេះ) នៅកណ្តាលទីក្រុង Ujjain( អ៊ូចេន)។ ក្រុមអ្នកគោរពបូជាបានទៅកាន់ទីវត្តនានាក្នុងទីក្រុង Ayodhya (អាយ៉ូត្យា) ភាគខាងជើងនៅព្រឹកព្រលឹម ដើម្បីបន់ស្រន់ ថ្វាយទឹកដោះគោ ទឹក ផ្កាដល់ព្រះសិវៈ និងទទួលយកពរជ័យ។

យោងតាមប្រតិទិនហិណ្ឌូ ខែ 'Shravan' គឺជាខែពិសិដ្ឋទីប្រាំ និងរដូវមូសុងនៅក្នុងប្រទេសឥណ្ឌាត្រូវបានផ្សារភ្ជាប់ជាមួយនឹងព្រះសិវៈ ហើយវាត្រូវបានគេជឿថាការអធិដ្ឋានដល់ព្រះសិវៈក្នុងអំឡុងពេលនោះជួយនាំសំណាង និងភាពរុងរឿងដល់អ្នកគោរពបូជាទាំងនោះ។

របាយការណ៍ជាច្រើនបាននិយាយថា នៅក្នុងពិធីដ៏កម្រមួយនៅក្នុងខែ 'Shravan' ឆ្នាំនេះ នឹងមានរយៈពេលពីរខែតាមប្រតិទិនចន្ទគតិរបស់សាសនាហិណ្ឌូ៕