ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចបង្កើតក្រុមការងារតាមដានជនទុច្ចរិតបន្លំរបៀបគូសសន្លឹកឆ្នោត ដើម្បីចាត់វិធានការទៅតាមផ្លូវច្បាប់។

ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានឲ្យដឹងថា ផ្អែកទៅលើច្បាប់ដែល​មានជាធរមាន ដើម្បីអញ្ជើញប្រជាពលរដ្ឋទៅបោះឆ្នោត ក្នុងគោលបំណងផ្តល់តម្លៃដល់សន្លឹកឆ្នោត ដូចនេះការឃោសនា ឬសកម្មភាពរារាំង​មិនឲ្យប្រជាពលរដ្ឋគូសបំផ្លាញសន្លឹកឆ្នោត ផ្ទុយទៅនឹង​ព្រះរាជសារ ដែលជាសេចក្តីអំពាវនាវរបស់ព្រះមហាក្សត្រ។

ឯកឧត្តម បញ្ជាក់ថា គ.ជ.ប នឹងបង្កើនសកម្មភាពអប់រំប្រជាពលរដ្ឋបន្ថែមគ្រប់ទម្រង់ ដើម្បី​ឲ្យប្រជាពលរដ្ឋ​ស្វែងយល់ពីតម្លៃសន្លឹកឆ្នោតដែលមានរៀងរាល់៥ឆ្នាំម្តង។

ឯកឧត្ដមបន្តថា បានអំពាវនាវដល់ប្រជាពលរដ្ឋទាំងអស់មេត្តាតាមដានការណែនាំ​តាម​រយៈខិតប័ណ្ណរបស់ គ.ជ.ប ពីសញ្ញាសម្រាប់គូសលើសន្លឹកឆ្នោត ដើម្បីបម្រើដល់ការបោះឆ្នោត​ជ្រើសតាំងតំណាងរាស្រ្ត នីតិកាលទី៧ នាថ្ងៃទី២៣ ខែ កក្កដាខាងមុខ ប្រព្រឹត្តទៅដោយត្រឹមត្រូវ និងយុត្តិធម៌ដល់គ្រប់ភាគីពគ់ព័ន្ធ ​ជាពិសេសប្រជាពលរដ្ឋជាម្ចាស់ឆ្នោត៕អត្ថបទ សេក ឧត្តម