ស្វីស៖ អង្គការសុខភាពពិភពលោក និងដៃគូបាននិយាយថា ប្រទេសមួយចំនួនដែលមានមនុស្សជាង ៦០% នៃចំនួនប្រជាជននៅក្នុងការទិញវ៉ាក់សាំងចាក់ការពារការឆ្លងវីរុសកូរ៉ូណា ប៉ុន្តែបាននិយាយថា ពួកគេនៅតែត្រូវការប្រាប់រាប់ពាន់លានដុល្លារ ដើម្បីចំណាយលើការទិញវ៉ាក់សាំងបង្ការវីរុសកូរ៉ូណានេះ។
អគ្គនាយកអង្គការសុខភាពពិភពលោក លោក តេដ្រូស អាដាណុម ហ្កេប្រេយេស៊ូស បាននិយាយថា គម្រោងខូវ៉ែក ដែលកំពុងដឹកនាំជាមួយនឹងសម្ព័ន្ធភាពវ៉ាក់សាំងហ្កាវី និងសម្ព័ន្ធភាពសម្រាប់ការត្រៀមបង្ការ និងការរីករាលដាលនៃជំងឺរាតត្បាតនឹងជួយធ្វើឲ្យការឆ្លងរាលដាលនៃជំងឺ COVID-19 អាចគ្រប់គ្រងបាន។ វេជ្ជបណ្ឌិត រីឆាត ហាតឆេត នាយកប្រតិបត្តិរបស់ CEPI ដែលកំពុងដឹកនាំការស្រាវជ្រាវវ៉ាក់សាំងខូវ៉ែក និងការងារអភិវឌ្ឍន៍បាននិយាយថា ជំងឺ COVID-19 មិនអាចវាយលុកក្នុងប្រទេសមួយក្នុងពេលតែមួយបានទេ យើងត្រូវតែចែករំលែកវ៉ាក់សាំងការពារជីវិតនៅទូទាំងពិភពលោកក្នុងពេលតែមួយ។ លោក តេដ្រូស បាននិយាយថា ខូវ៉ែក កំពុងមានគោលបំណងផ្តល់វ៉ាក់សាំងចំនួន ២ពាន់ដូស ដែលអាចរកបាននៅដំណាច់ឆ្នាំក្រោយ បើទោះបីប្រទេសអ្នកមានបានទាញយកជាងពាក់កណ្ដាល នៃសមត្ថភាពសកលរបស់ពិភពលោក ដើម្បីផលិតវ៉ាក់សាំងបែបនេះក៏ដោយ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
