ភ្នំពេញ៖ កម្ពុជាឈរនៅលេខរៀងទី១៣ ក្នុងតំបន់អាស៊ីប៉ាស៊ីហ្វិក និងស្ថិតនៅលេខរៀងទី៧៣ ក្នុងចំណោម១៦៣ ប្រទេសជុំវិញពិភពលោក ក្នុងនាមជាប្រទេសដែលមានសុខសន្តិភាព។ នេះបើតាមឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានផ្សព្វផ្សាយនៅលើហ្វេសប៊ុកផ្ទាល់របស់ឯកឧត្ដមនាថ្ងៃទី៦ ខែកក្កដា ឆ្នាំ២០២៣។

សំណេរផ្សព្វផ្សាយរបស់ឯកឧត្ដម គឺយោងតាមចេញផ្សាយរបស់វិទ្យាស្ថានសេដ្ឋកិច្ច និងសន្តិភាព ហៅ កាត់(IEP) ដែលមានមូលដ្ឋាននៅទីក្រុងស៊ីដនី ប្រទេសអូស្ត្រាលី។

សំណេររបស់ឯកឧត្ដមរដ្ឋមន្ត្រីក្រសួងព័ត៌មានដដែលបន្តថា វិទ្យាស្ថានសេដ្ឋកិច្ច និងសន្តិភាពនៅប្រទេ សអូស្ត្រាលី ទើបបានបង្ហាញពីស្ថានភាពក្សេមក្សាន្ត(Peacefulness)របស់ប្រទេសចំនួន ១៦៣ ក្នុងពិភ ពលោក។ នៅក្នុងតំបន់អាស៊ី-ប៉ាស៊ីហ្វិក កម្ពុជាយើងស្ថិតនៅទី១៣, ក្នុងពិភពលោកយើងនៅទី៧៣ ក្នុ ងចំណោម ១៦៣ ប្រទេស។ នេះបង្ហាញឱ្យឃើញពីវឌ្ឍនភាពយ៉ាងធំធេងដែលប្រជាជនកម្ពុជាយើងសម្រេចបាន ក្រោមការដឹកនាំដ៏វៃឈ្លាសរបស់សម្តេចតេជោ។

នេះគឺជាការចេញផ្សាយលើកទី១៧ នៃសន្ទស្សន៍សន្តិភាពសកល ដែលដាក់ចំណាត់ថ្នាក់រដ្ឋឯករាជ្យ និងដែនដីចំនួន ១៦៣ ដែលមានប្រជាជនសរុប ៩៩,៧ ភាគរយ នៃចំនួនប្រជាជនពិភពលោក ដោយបានវាស់ស្ទង់ស្ថានភាពសុខសន្តិភាពរបស់ប្រទេសនីមួយៗ តាមរយៈវិស័យចំនួនបីគឺ ទី១.កម្រិតនៃសុ វត្ថិភាព និងសន្តិសុខសង្គម, ទី២.វិសាលភាពនៃជម្លោះក្នុងប្រទេស និងកម្រិតអន្តរជាតិ និង ទី៣.កម្រិតនៃយោធា។

ការឈ្លានពានរបស់រុស្ស៊ីទៅលើអ៊ុយក្រែន និងផលវិបាកនៃសង្គ្រាមនេះ គឺជាកត្តាជំរុញដ៏សំខាន់នៃការធ្លាក់ចុះនៃស្ថានភាពសុខសន្តិភាពទូទាំងពិភពលោក។ ទាំងរុស្ស៊ី និងអ៊ុយក្រែន ស្ថិតក្នុងចំណោមប្រទេ សដែលមានស្ថានភាពសុខសន្តិភាពទាបបំផុតទាំង ១០ ហើយអ៊ុយក្រែនមានកម្រិតនៃការធ្លាក់ចុះខ្លាំងជាងគេ នៅក្នុងសន្ទស្សន៍សន្តិភាពសកលឆ្នាំ២០២៣។

ប្រទេសអ៊ីស្លង់ នៅតែរក្សាបានចំណាត់ថ្នាក់កំពូលរបស់ខ្លួន ក្នុងនាមជាប្រទេសដែលមានសុខសន្តិភា ពបំផុតនៅលើពិភពលោក ចាប់តាំងពីការសិក្សានេះត្រូវបានចេញផ្សាយជាលើកដំបូងក្នុងឆ្នាំ២០០៨ បន្ទាប់មកមានប្រទេសដាណឺម៉ាក និងអៀរឡង់ ខណៈដែលអាហ្វហ្គានីស្ថាន គឺជាប្រទេសដែលមានកម្រិតសុខសន្តិភាពតិចជាងគេបំផុតក្នុងពិភពលោក៕ដោយ៖ គង់ ឌិន