បច្ចុប្បន្ន អនាគតអាចនឹងក្លាយជាការពិតហើយ ក្រោយក្រុមហ៊ុន Alef Aeronauticsដែលមានមូលដ្ឋាននៅរដ្ឋ California សហរដ្ឋអាមេរិក ត្រូវបានគេផ្តល់វិញ្ញាបនប័ត្រមានដែនកំណត់ដោយរដ្ឋបាលអាកាសចរណ៍សហព័ន្ធ(FAA)របស់សហរដ្ឋអាមេរិក ឲ្យសាកល្បងការហោះហើររថយន្តហោះ Model Aរបស់ពួកគេ ។ 

 លោក Jim Dukhovny គឺជាប្រធានប្រតិបត្តិក្រុមហ៊ុន Alef Aeornautics បាននិយាយប្រាប់ទីភ្នាក់ងារព័ត៌មានរ៉យទ័រថា សូម្បីតែនៅមុនពេលស្ថាបនិកបង្កើតក្រុមហ៊ុនរថយន្ត Fordលោក Henry Ford មនុស្សបានព្យាយាមផលិតរថយន្តហោះ ហើយពួកគេត្រូវការឲ្យមានវិញ្ញាបនបត្របញ្ជាក់ដូចគ្នាដែរ។ នេះគឺជារថយន្តប្រពៃណីដែលដូចជារថយន្ត ដែលបើកដូចរថយន្ត ដែលចតដូចជារថយន្ត ត្រូវបានអនុញ្ញាតឲ្យហោះឡើង គឺហោះឡើងត្រង់ ។  

លោកបន្តថា ដូច្នេះហើយអ្វីលើកដំបូង ដែលជារថយន្តប្រពៃណី និងលើសពីរថយន្តអគ្គិសនីធម្មតា ត្រូវបានគេអនុញ្ញាតដោយរដ្ឋាភិបាលសហរដ្ឋអាមេរិក តាមរយៈ FAA ឲ្យហោះឡើងត្រង់ ក្នុងគោលបំណងមានដែនកំណត់ ។ នេះមានន័យថា រថយន្តហោះបច្ចុប្បន្នយ៉ាងហោចណាស់ ក៏ត្រូវបានទទួលស្គាល់ដោយរដ្ឋាភិបាលមួយដែរ ។ 

លោក Dukhovny និយាយទៀតថា ដោយសារតែវាជាបញ្ហាច្បាប់ កាលពីមុនក្រុមហ៊ុនអាចត្រឹមតែបង្ហាញរូបភាពឡានហោះ Model A ក៏ដូចជាវីដេអូធ្វើត្រាប់តាមប៉ុណ្ណោះ ប៉ុន្តែបច្ចុប្បន្នដោយមានវិញ្ញាបនប័ត្រមានដែនកំណត់ នៅទីបំផុតក្រុមហ៊ុន ក៏អាចបង្ហាញពិភពលោកនូវរថយន្តហោះ ៕