មន្ទីរបញ្ចកោណ បាននិយាយការពារការសម្រេចចិត្តរបស់សហរដ្ឋអាមេរិកក្នុងការបញ្ជូនគ្រាប់បែកចង្កោមទៅឲ្យអ៊ុយក្រែន ដែលត្រូវបានហាមឃាត់យ៉ាងទូលំទូលាយ ជាផ្នែកមួយនៃកញ្ចប់ជំនួយសន្តិសុខនិងជាចំណាត់ការ ដែលអ៊ុយក្រែននិយាយថានឹងមានផលប៉ះពាល់ធ្វើឲ្យវង្វេងខុសពីធម្មតាទៅលើ កងកម្លាំងរុស្ស៊ីដែលកំពុងចូលកាន់កាប់។

អ៊ុយក្រែន បានស្នើសុំគ្រាប់បែកចង្កោម ដើម្បីបាញ់ប្រឆាំងទៅលើទីតាំងកងទ័ពរបស់រុស្ស៊ី។ កន្លងមក អ៊ុយក្រែនបានជំរុញឱ្យសមាជិកសភាអាមេរិក ដាក់សម្ពាធលើរដ្ឋបាលប្រធានាធិបតីលោក Joe Biden ឱ្យអនុម័តបញ្ជូនគ្រាប់បែកទាំងនោះ។

ច្បាប់នៅឆ្នាំ ២០០៩ ហាមប្រាមការនាំចេញគ្រាប់បែកចង្កោមរបស់សហរដ្ឋអាមេរិក មានអត្រាចុះថយនៃគ្រាប់បែកខ្ពស់ជាង ១% ដែលគ្របដណ្តប់ស្ទើរតែទាំងអស់នៃឃ្លាំងស្តុករបស់យោធាសហរដ្ឋអាមេរិក។

លោក Biden អាចបោះបង់ចោលការហាមឃាត់ជុំវិញបញ្ហាគ្រាប់បែក ខណៈអតីតប្រធានាធិបតីអាមេរិកលោក Donald Trump បានធ្វើកាលពីខែមករា ឆ្នាំ ២០២១ ដើម្បីអនុញ្ញាតឱ្យនាំចេញបច្ចេកវិទ្យាគ្រាប់បែកចង្កោមទៅកាន់ប្រទេសកូរ៉េខាងត្បូង។

អនុរដ្ឋមន្ត្រីក្រសួងការពារជាតិ លោក Colin Kahl បាននិយាយទៅកាន់អ្នកសារព័ត៌មាននៅក្នុងសន្និសីទនៅមន្ទីរបញ្ចកោណថា អត្រាចុះថយនៃគ្រាប់រំសេវ ដែលត្រូវបានបញ្ជូនគឺលើសពី ១% ប៉ុន្តែប្រធានាធិបតី Biden មានសិទ្ធិអំណាចក្នុងការបោះបង់ការកំណត់។