ជម្រៅព្រិលចុងក្រោយបំផុតនៅលើកំពូលភ្នំ Qomolangma ឬភ្នំអេវើរ៉េស (Everest) ដែលជាកំពូលភ្នំខ្ពស់បំផុតរបស់ពិភពលោកគឺមានកម្រាស់៩,៥កន្លះម៉ែត្រ (9.5ម±1.2ម) នេះបើយោងតាមក្រុមអ្នកស្រាវជ្រាវវិទ្យាសាស្ត្រចិនដែលបានប្រើវិធីសាស្ត្ររ៉ាដាដើម្បីវាស់ស្ទង់លទ្ធផល។

សមិទ្ធិផលនេះត្រូវបានបោះពុម្ពផ្សាយនៅក្នុងទិនានុប្បវត្តិអន្តរជាតិឈ្មោះថា The Cryosphere កាលពីថ្ងៃសុក្រ ដោយផ្តល់នូវទិន្នន័យយោងដ៏មានតម្លៃសម្រាប់សិក្សាពីការផ្លាស់ប្តូជាក់ស្តែងនៅក្នុងរយៈកម្ពស់ខ្ពស់បំផុត និងស្រទាប់ថ្មនៅលើកំពូលភ្នំ Qomolangma ឬភ្នំអេវើរ៉េស (Everest)នេះ។

ក្រុមការងារបានប្រើអង់តែនបញ្ជូននិងទទួលតែមួយនៅប្រេកង់ ១.០០០មេហ្គាហឺត (MHz) ដោយចាប់ផ្តើមការវាស់វែងពីផ្ទាំងថ្មដែលលាតត្រដាងនៅផ្នែកខាងលើនៃភ្នំ Qomolangma ហើយបន្តដំណើរឆ្ពោះទៅរកចំណុចកំពូល។ ការវាស់វែងតាមរ៉ាដាបានបង្ហាញថា ជម្រៅព្រិលនៅកំពូលភ្នំនេះគឺលើសពីលទ្ធផលដែលបានរាយការណ៍ពីមុន។

ការវាស់ស្ទង់រ៉ាដាបានបង្ហាញពីការផ្លាស់ប្តូរបន្តិចម្តងៗនៃជម្រៅព្រិលនៅតាមបណ្តោយជម្រាលភាគខាងជើង ដែលធ្វើឱ្យមានភាពងាយស្រួលសម្រាប់អ្នកស្រាវជ្រាវក្នុងការបកស្រាយទិន្នន័យយ៉ាងជាក់លាក់។

លទ្ធផលវាស់ស្ទង់នឹងផ្តល់ការគាំទ្រទិន្នន័យសម្រាប់ការសិក្សាអំពីការផ្លាស់ប្តូរជាក់លាក់នៃគ្រីយ៉ូស្វ៊ែរឬប្រព័ន្ធកំណកមណ្ឌលមានរយៈកម្ពស់ខ្ពស់ខ្លាំង និងលីតូស្វ៊ែរឬសិលាមណ្ឌលនៅកំពូលភ្នំ Qomolangma ហើយក៏ផ្តល់នូវទិសដៅថ្មីសម្រាប់ការយល់ដឹងកាន់តែស៊ីជម្រៅអំពីបម្រែបម្រួលអាកាសធាតុក្នុងរយៈកម្ពស់ដ៏ខ្ពស់ នេះបើយោងតាមលោក Yao Tandong ប្រធានក្រុមស្រាវជ្រាវនៃបេសកកម្មវិទ្យាសាស្ត្រទីពីរ៕