ប្រធានាធិបតីចិន លោក Xi Jinping នៅថ្ងៃចន្ទនេះបានផ្ញើលិខិតអបអរសាទរទៅកាន់សន្និសីទកម្រិតខ្ពស់លើទី១នៃវេទិកាស្តីពីសកម្មភាពសកលសម្រាប់ការអភិវឌ្ឍន៍រួម។ នៅក្នុងលិខិតរបស់លោក លោក Xi បាននិយាយថា ដោយមានការប្រែប្រួលពិភពលោកយ៉ាងឆាប់រហ័សដែលមើលមិនឃើញក្នុងមួយសតវត្សរ៍មកនេះ និងការងើបឡើងវិញនៃសេដ្ឋកិច្ចពិភពលោកជាបណ្តើរៗ របៀបវារៈនៃការអភិវឌ្ឍន៍ពិភពលោកប្រឈមនឹងបញ្ហាជាច្រើន។

លោក Xi បាននិយាយថា ដើម្បីជំរុញការឯកភាពលើកិច្ចសហប្រតិបត្តិការ និងបន្តការអភិវឌ្ឍន៍រួម លោកបានស្នើសុំគំនិតផ្តួចផ្តើមអភិវឌ្ឍន៍សកល (GDI) ដែលត្រូវបានរៀបចំឡើងដើម្បីពន្លឿនការអនុវត្តន៍របៀបវារៈនៅឆ្នាំ ២០៣០ របស់អង្គការសហប្រជាជាតិ សម្រាប់ការអភិវឌ្ឍន៍ប្រកបដោយចីរភាពភាព។ លោកXi បានកត់សម្គាល់ថា លោកពិតជារីករាយដោយមើលឃើញថា ដោយមានការចូលរួមពីគ្រប់ភាគីពាក់ព័ន្ធ កិច្ចសហប្រតិបត្តិការក្រោមគំនិតផ្តួចផ្តើមនេះ ទទួលបានបានផលដំបូងសំខាន់ៗមួយចំនួន ហើយបានផ្តល់អត្ថប្រយោជន៍ដល់ប្រទេសកំពុងអភិវឌ្ឍន៍ជាច្រើនទៀត។

លោកបានបញ្ជាក់ថា ការអភិវឌ្ឍន៍គឺជាផែនការដែលមិនចេះចប់ សម្រាប់មនុស្សជាតិ ហើយការអភិវឌ្ឍន៍រួមគ្នាគឺជាមាគ៌ាដ៏សំខាន់ក្នុងការធ្វើឱ្យពិភពលោកកាន់តែល្អប្រសើរ។ លោក Xi បាននិយាយថា ក្នុងនាមជាប្រទេសកំពុងអភិវឌ្ឍន៍ដ៏ធំបំផុត ប្រទេសចិននឹងតែងតែដាក់ការអភិវឌ្ឍន៍របស់ខ្លួននៅក្នុងបរិបទកាន់តែធំនៃការអភិវឌ្ឍន៍មនុស្ស និងបង្កើតឱកាសកាន់តែច្រើនសម្រាប់ការអភិវឌ្ឍន៍ពិភពលោកតាមរយៈការអភិវឌ្ឍន៍របស់ខ្លួន។ ប្រទេសចិននឹងបែងចែកធនធានបន្ថែមទៀតសម្រាប់កិច្ចសហប្រតិបត្តិការអភិវឌ្ឍន៍ជាសាកល និងធ្វើការរួមគ្នាជាមួយសហគមន៍អន្តរជាតិដើម្បីបន្តជំរុញគំនិតផ្តួចផ្តើមអភិវឌ្ឍន៍សកល GDI ជាមួយភាពរីកចម្រើនដ៏រឹងមាំ ដើម្បីរួមចំណែកថ្មីក្នុងការសម្រេចបានគោលដៅទាំងអស់នៃរបៀបវារៈនៅឆ្នាំ២០៣០ របស់អង្គការសហប្រជាជាតិសម្រាប់ការអភិវឌ្ឍន៍ប្រកបដោយចីរភាពតាមការគ្រោងទុក និងជំរុញការកសាងសហគមន៍មួយដែលមានអនាគតរួមគ្នាសម្រាប់មនុស្សជាតិ។