អនីតិជនប៉ាឡេស្ទីនជាច្រើននាក់ ដែលត្រូវបានចាប់ខ្លួនដោយកងកម្លាំងអ៊ីស្រាអែល ប្រឈមមុខនឹងការរំលោភបំពានផ្លូវចិត្ត និងផ្លូវកាយយ៉ាងសម្បើម។ នេះបើយោងតាមក្រុមសិទ្ធិមនុស្ស Save the Children ដែលបានបង្ហាញពីសោកនាដកម្មអនីតិជន ដែលឆ្លងកាត់ជាអ្នកជាប់ឃុំ នៅក្នុងរបាយការណ៍ថ្មីមួយ។

នៅក្នុងរបាយការណ៍ដែលបានចេញផ្សាយនៅថ្ងៃចន្ទនេះ ក្រុមនេះ បាននិយាយថា អតីតអ្នកជាប់ឃុំកុមារមួយចំនួន ដែលខ្លួនបាននិយាយអំពីការរាយការណ៍អំពើហិង្សានៃរំលោភបំពានផ្លូវភេទ ខណៈដែលមនុស្សជាច្រើនផ្សេងទៀត ត្រូវបានវាយដំ ខ្នោះដៃ និងបិទភ្នែកដាក់ក្នុងបន្ទប់តូចៗ នៅក្នុងមជ្ឈមណ្ឌលឃុំឃាំង និងនៅពេលត្រូវបានផ្លាស់ប្តូររវាងមជ្ឈមណ្ឌល។

លោក Jason Lee នាយកប្រចាំប្រទេសនៃអង្គការ Save the Children ក្នុងទឹកដីប៉ាឡេស្ទីនកាន់កាប់ ដោយអ៊ីស្រាអែល បាននិយាយថា មានតែកុមារប៉ាឡេស្ទីនប៉ុណ្ណោះនៅក្នុងពិភពលោក បានជួបប្រទះការកាត់ទោសជាប្រព័ន្ធនៅក្នុងតុលាការយោធា។

មានការកើនឡើងគួរឱ្យកត់សម្គាល់នៃចំនួនអតីតអ្នកជាប់ឃុំឃាំងកុមារ ដែលទទួលរងនូវសុបិន្តអាក្រក់ និងការគេងមិនលក់ ហើយមានការលំបាកក្នុងការត្រឡប់ទៅរកជីវិតធម្មតារបស់ពួកគេវិញ ដោយមនុស្សជាច្រើន បានរាយការណ៍ថា មានការថយចុះនៃក្តីសង្ឃឹមចំពោះអនាគតរបស់ពួកគេ។

ការសិក្សា បានឱ្យដឹងថា ៨៦ភាគរយនៃអតីតអ្នកជាប់ឃុំ ២២៨នាក់ ដែលត្រូវបានស្ទង់មតិឃើញថា ត្រូវគេបានវាយដំនៅក្នុងការឃុំឃាំង ហើយ ៦៩ភាគរយ ត្រូវបានដោះសម្លៀកបំពាក់ចេញ ដោយបន្ថែមថា ៤២ភាគរយ បានរងរបួសនៅកន្លែងចាប់ខ្លួនរួមទាំងរបួសដោយត្រូវគ្រាប់កាំភ្លើង និងឆ្អឹងបែកបាក់៕