ភ្នំពេញ៖ ក្រុមការងារគណបក្សប្រជាជនកម្ពុជាក្នុងមូលដ្ឋានរាជធានីភ្នំពេញ បានបន្តសកម្មភាពរបស់ខ្លួន ក្នុងការចុះឃោសនា និងធ្វើការពន្យល់ពលរដ្ឋដល់ខ្នងផ្ទះ ឱ្យបានយល់ដឹងច្បាស់អំពីរបៀបគូសសន្លឹកឆ្នោតឱ្យ បានត្រឹមត្រូវ ឬសន្លឹកឆ្នោតបានការ ។

លោក ហែម សុផាត ប្រធានគណបក្សប្រជាជនកម្ពុជាសង្កាត់ផ្សារដើមថ្កូវ ខណ្ឌចំការមន បានឱ្យ ដឹងថា ក្រុមការងារគណបក្សសង្កាត់ តែងចុះជាប្រចាំដល់ខ្នងផ្ទះប្រជាពលរដ្ឋ តាំងពីថ្ងៃដំបូង នៃការបើក យុទ្ធនាការឃោសនាបោះឆ្នោត ដើម្បីផ្សព្វផ្សាយពីគោលនយោបាយរបស់​គណបក្ស​ប្រជាជនកម្ពុជា ពិសេសការបង្រៀនប្រជាពលរដ្ឋ ឱ្យបានយល់កាន់តែច្បាស់អំពីការគូសសន្លឹកឆ្នោត​ឱ្យបានត្រឹមត្រូវ ដូច ដែល គ.ជ.ប បានកំណត់ ដើម្បីឱ្យសន្លឹកឆ្នោតនោះ ​ជាសន្លឹកឆ្នោតបានការ ។

ប្រជាពលរដ្ឋ នៅក្នុងសង្កាត់ផ្សារដើមថ្កូវ បានសាទរចំពោះសកម្មភាពរបស់ក្រុមការងារគណបក្ស ប្រជាជនកម្ពុជា ដែលបានចុះពន្យល់ពួកគេ ។ ពួកគេនឹងទៅចូលរួមបោះឆ្នោត ដើម្បីបំពេញ​កាតព្វកិច្ច​ជា​ពលរដ្ឋល្អ ​និងគូស​សន្លឹកឆ្នោត​ឱ្យបានត្រឹមត្រូវ ដើម្បី​ឱ្យ​សន្លឹកឆ្នោត​នោះយក​ជា​ការបាន ហើយក៏ជាសន្លឹក ឆ្នោតដ៏សំខាន់ក្នុងការជ្រើសរើស​ថ្នាក់ដឹកនាំល្អ ដើម្បីបន្តដឹកនាំ​អភិវឌ្ឍន៍​ប្រទេសជាតិទៅមុខទៀត ។

សកម្មភាព នៃការចុះពន្យល់ណែនាំ​ប្រជាពលរដ្ឋ​អំពី​ការ​គូស​សន្លឹកឆ្នោត​ឱ្យ​បានត្រឹមត្រូវ​យកជាការ បាន ក៏ដើម្បី​ជាការ​ពញ្ញាក់​អារម្មណ៍​របស់​ប្រជាពលរដ្ឋ កុំឱ្យជឿងតាមការ​ញុះញង់​របស់​ជន​អគតិមួយចំនួន ​ដែលបាននឹងកំពុងធ្វើចលនាអំពាវនាវដល់ប្រជាពលរដ្ឋកុំឱ្យទៅបោះឆ្នោត ឬបើ​ទៅបោះឆ្នោត ត្រូវគូសន្លឹក ឆ្នោតចោល ។ ករណីនេះ គជប នៅព្រឹកថ្ងៃទី១១ ខែកក្កដា នេះ បាន​ចេញសេចក្ដីប្រកាសថា អ្នកទាំង ឡាយណា ដែលបានណែនាំប្រជាពលរដ្ឋឱ្យគូសន្លឹកឆ្នោតចោន នឹង​ត្រូវ​ផ្ដន្ទាទោស​តាមច្បាប់ជាធរមាន៕អត្ថបទ៖ លីហេង