ប៉ាគីស្ថាន៖ សារព័ត៌មាន ARY News ដែលមានមូលដ្ឋាននៅប៉ាគីស្ថានបានរាយការណ៍ដោយសំអាងដល់សម្តីអាជ្ញាធរគ្រប់គ្រងគ្រោះមហន្តរាយជាតិ (NDMA)ថា មនុស្ស៨៦នាក់បានស្លាប់ និង១៥១នាក់ផ្សេងទៀតបានរងរបួសនៅក្នុងភ្លៀងមូសុងនាពេលថ្មីៗនេះចាប់តាំងពីថ្ងៃទី២៥ ខែមិថុនាមក។

នៅក្នុងរបាយការណ៍របស់អាជ្ញាធរ NDMA បានបញ្ជាក់ថា មនុស្ស ៦នាក់បានស្លាប់ និង ៩នាក់ផ្សេងទៀត បានរងរបួសនៅក្នុងភ្លៀងធ្លាក់ខ្លាំងនៅទូទាំងប្រទេសប៉ាគីស្ថានក្នុងរយៈពេល ២៤ម៉ោងកន្លងមកនេះ បើយោងតាម ARY News ។

យោងតាមទិន្នន័យរបស់ទីភ្នាក់ងារ NDMA បានឲ្យដឹងថា មកទល់បច្ចុប្បន្ននេះ មានអ្នកស្លាប់ចំនួន ៨៦នាក់ និងរបួស ១៥១នាក់ ដែលក្នុងនោះមានស្ត្រី ១៦នាក់ និងកុមារ ៣៧នាក់។ ផ្ទះសម្បែងចំនួន ៩៧ខ្នង ក៏បានរងការខូចខាតដែរ ខណៈភ្លៀងធ្លាក់យ៉ាងគំហុកបន្តធ្វើឲ្យមានការខូចខាតនៅទូទាំងប្រទេស៕