ឆ្មាំល្បាតឆ្នេរឥណ្ឌូនេស៊ី បាននិយាយនៅថ្ងៃអង្គារនៅថ្ងៃអង្គារនេះថា ខ្លួនបានរឹបអូសនាវាដឹកប្រេងដែលមានទង់ជាតិអ៊ីរ៉ង់ ត្រូវបានសង្ស័យថា មានជាប់ពាក់ព័ន្ធក្នុងការដឹកជញ្ជូនប្រេងឆៅខុសច្បាប់ ហើយបានប្តេជ្ញាពង្រឹងការល្បាតដែនសមុទ្រ។

កងនាវា«ស្រមោល»នៃនាវាដឹកប្រេងពីអ៊ីរ៉ង់ រុស្ស៊ី និង វ៉េណេហ្ស៊ុយអេឡា ដែលជាប់ទណ្ឌកម្ម កំពុងផ្ទេរទំនិញរបស់ពួកគេនៅក្នុងច្រកសមុទ្រសិង្ហបុរី ដើម្បីគេពីការតាមរក។ នេះបើយោងតាមការវិភាគរបស់សារព័ត៌មានReuters កាលពីដើមឆ្នាំនេះ។

ហានិភ័យនៃការលេចធ្លាយប្រេង និងគ្រោះថ្នាក់ កំពុងកើនឡើង ខណៈដែលនាវារាប់រយគ្រឿងបន្ថែម ដែលខ្លះគ្មានការធានារ៉ាប់រង បានចូលរួមពាណិជ្ជកម្មស្របគ្នាដ៏ស្មុគស្មាញ ក្នុងរយៈពេល២-៣ឆ្នាំចុងក្រោយនេះ។

ទីភ្នាក់ងារសន្តិសុខដែនសមុទ្ររបស់ប្រទេសឥណ្ឌូនេស៊ី (Bakamla) និយាយថា នាវាផ្ទុកប្រេងឆៅខ្នាតធំ (VLCC) MT Arman 114 ដឹកប្រេងឆៅទម្ងន់ ២៧២.៥៦៩តោន ដែលមានតម្លៃ ៤,៦ សែនកោដិរូពីយ៉ា (៣០៤ លានដុល្លារ) ហើយត្រូវបានគេសង្ស័យថា បានផ្ទេរប្រេងទៅនាវាមួយគ្រឿងទៀត ដោយគ្មានលិខិតអនុញ្ញាត៕