សួនសត្វមួយ នៅប្រទេសកូរ៉េខាងត្បូង បានឲ្យដឹង នៅថ្ងៃអង្គារ (ទី១១ ខែកក្កដា)នេះថា ថ្មីៗនេះ ខ្លួនបានស្វាគមន៍កូនខ្លាឃ្មុំផេនដាយក្សភ្លោះដំបូងគេ ដែលបានកើតនៅក្នុង​ប្រទេស​នេះ​។

សួនសត្វបានឲ្យដឹងថា កូនខ្លាឃ្មុំភ្លោះ ដែលសុទ្ធតែញីទាំង២ក្បាលនេះ បានកើតនៅសួនកម្សាន្ត Everland ក្បែររដ្ឋធានីសេអ៊ូល កាលពីថ្ងៃសុក្រ (ទី៧ ខែកក្កដា)។ វីដេអូដែលផ្តល់​ដោយ​សួនសត្វ​នេះ បានបង្ហាញឲ្យឃើញមេខ្លាឃ្មុំផេនដាយក្ស ដែលផើមកាលពីមុន ទីបំផុត កើតបានកូនភ្លោះ។ សម្រាប់កូនខ្លាឃ្មុំភ្លោះនេះ ទី១ មានទម្ងន់ ១៨០ក្រាម និងទី២ ដែលបាន​កើតក្រោយ​ជិតពីរម៉ោង មានទម្ងន់ ១៤០ក្រាម។

កំណើតរបស់កូនខ្លាឃ្មុំភ្លោះនេះ កើតឡើងជិត ៣ឆ្នាំ បន្ទាប់ពី Fu Bao ជាកូនខ្លាឃ្មុំផេនដាយក្សដំបូងគេដែលកើតនៅប្រទេសកូរ៉េខាងត្បូង បានបង្ហាញខ្លួនក្នុងពិភពលោកនេះ ជា​មួយ​នឹង​មេដូចគ្នានឹងកូនខ្លាឃ្មុំឈ្មោះ Ai Bao និងLe Bao។

ប្រទេស​ចិនបាន និងកំពុងបញ្ជូនសត្វតំណាងស-ខ្មៅរបស់ខ្លួនទៅក្រៅប្រទេស ដែលជាសញ្ញានៃសុច្ឆន្ទៈ ចាប់តាំងពីទសវត្សរ៍ឆ្នាំ១៩៥០ ជាផ្នែកមួយនៃអ្វី ដែលត្រូវបានគេស្គាល់ថា «ការទូត​ខ្លាឃ្មុំផេនដាយក្ស»៕