រដ្ឋអាជ្ញាសហព័ន្ធនៅក្នុងទីក្រុង Mahanttan បាននិយាយថា មេដឹកនាំវិទ្យាស្ថានស្រាវជ្រាវសហរដ្ឋអាមេរិក ត្រូវបានចោទប្រកាន់ពីបទធ្វើសកម្មភាពជាភ្នាក់ងារ ដែលមិនបានចុះ ឈ្មោះរបស់​ប្រទេស​ចិន ព្រមទាំងកំពុងព្យាយាម សម្របសម្រួលការលក់អាវុធនិងប្រេងរបស់ប្រទេសអ៊ីរ៉ង់។

លោក Gal Luft ជាពលរដ្ឋអាមេរិកនិងអ៊ីស្រាអែល ត្រូវបានចោទប្រកាន់ពីបទជ្រើសរើស និងបង់ប្រាក់ឲ្យអតីតមន្ត្រីជាន់ខ្ពស់រដ្ឋាភិបាលអាមេរិកម្នាក់ជំនួសឲ្យគោលការណ៍ជាច្រើន មានមូលដ្ឋាននៅក្នុងប្រទេសចិន ដោយគ្មានការចុះបញ្ជីជាភ្នាក់ងារបរទេស ដែលតម្រូវដោយច្បាប់។

រដ្ឋអាជ្ញាពុំបានកំណត់អត្តសញ្ញាណអតីតមន្ត្រីរូបនោះទេ ប៉ុន្តែបាននិយាយថាក្រោយមកលោកបានធ្វើការជាទីប្រឹក្សាលោក Donald Trump ដែលជាប់ឆ្នោតជាប្រធានាធិបតីនៅពេលនោះ។

លោក Luft ត្រូវបានចោទប្រកាន់ពីបទជំរុញទីប្រឹក្សារូបនេះឲ្យគាំទ្រគោលនយោបាយនានាដែលមានទំនោរគាំទ្រប្រទេសចិន ដោយរួមទាំងពង្រាងបទអត្ថាធិប្បាយក្នុងឈ្មោះរបស់ទីប្រឹក្សា ដែលបោះពុម្ពផ្សាយនៅក្នុងសារព័ត៌មានចិន។