ប៉ាសុីហ្វិក ៖ កិច្ចព្រមព្រៀងពាណិជ្ជកម្មឆ្លងកាត់មហាសមុទ្រប៉ាស៊ីហ្វិកដ៏សំខាន់ បានចូលជាធរមានចំពោះ​គ្រប់ប្រទេស​ទាំង១១ ដែលបានចុះហត្ថលេខាលើកិច្ចព្រមព្រៀងនេះតាំងពីដំបូង។ កិច្ចព្រមព្រៀងនេះកើតមានឡើងបន្ទាប់ពីប្រទេសនៅអាស៊ីអាគ្នេយ៍ព្រុយណេ បានបញ្ចប់កិច្ចព្រមព្រៀងរបស់ខ្លួន។

កិច្ចព្រមព្រៀងដែលគេស្កាល់ថា កិច្ចព្រមព្រៀងគ្រប់ជ្រុង​ជ្រោយ​និងជឿនលឿន​សម្រាប់ភាព​ជាដៃគូឆ្លង​កាត់មហា​សមុទ្រ​ប៉ាស៊ីហ្វិកបង្កើតប្លុកពាណិជ្ជកម្មសេរីដ៏ទូលំទូលាយឆ្លងកាត់មហាសមុទ្រប៉ាស៊ីហ្វិក។ ក្នុងចំណោមសមាជិកក៏មាន ប្រទេសជប៉ុន អូស្ត្រាលី នូវែលហ្សេឡង់ កាណាដា ម៉ិកស៊ិក និងប្រទេសសិង្ហបុរី។

កិច្ចព្រមព្រៀងនេះ បានចូលជាធរមាន កាលពីខែធ្នូ ឆ្នាំ២០១៨ បន្ទាប់ពីត្រូវបានអនុម័តដោយ​ប្រទេសហត្ថលេខី​ចំនួន៦ប្រទេស។ ប្រទេសព្រុយណេ និយាយថា ខ្លួនមានបំណងពង្រីកពាណិជ្ជកម្មជាមួយប្រទេសអាមេរិកខាងជើង និងខាងត្បូង រួមទាំងប្រទេសកាណាដា និងប្រទេសឈីលី។

គិតត្រឹមឆ្នាំ២០២១ ប្រទេសកិច្ចព្រមព្រៀងគ្រប់ជ្រុងជ្រោយនិងជឿនលឿន សម្រាប់ភាពជាដៃគូឆ្លងកាត់​មហាសមុទ្រ​ប៉ាស៊ីហ្វិក មានចំនួនប្រជាជន ប្រមាណ៥០០លាននាក់ និងមានផលិតផលក្នុងស្រុកសរុប ប្រមាណ១២សែន​កោដិ៍​ដុល្លារ។ កិច្ចព្រមព្រៀងនេះលុបបំបាត់ពន្ធនាំចូលលើមុខទំនិញជាច្រើន និងបានដាក់ចេញនូវ វិធានការរួមសម្រាប់​ការវិនិយោគ និងសេវាកម្ម។

សមាជិកទាំងអស់បានឈានដល់ កិច្ចព្រមព្រៀងដ៏ទូលំទូលាយលើការបញ្ចូលចក្រភពអង់គ្លេសទៅក្នុងក្រុមនេះ។ វាក៏ត្រូវសម្រេចផងដែរថាតើត្រូវឆ្លើយតបចំពោះសំណើមកពីទាំងប្រទេសចិន និងកោះតៃវ៉ាន់ដើម្បី​ចូលរួមក្នុងប្លុក​នេះដោយរបៀបណា។