ក្រុមអ្នកវិទ្យាសាស្រ្ត បាននិយាយកាលពីថ្ងៃអង្គារថា ដីល្បប់នៅក្រោមបាតបឹង Crawford ដែលជាបឹងតូចតែជ្រៅ ស្ថិតក្នុងខេត្ត Ontario ប្រទេសកាណាដា ផ្តល់ភស្តុតាងមិនអាចប្រកែកបានថា ផែនដីចូលដល់ជំពូកថ្មីនៃភូមិសាស្រ្តបង្កឡើងដោយសារមនុស្ស ដែលជានរសម័យកើតមានកាលពីរយៈពេលប្រហែល ៧ទសវត្សរ៍មុន ។ 

សមាជិកក្រុមការងារភូមិសាស្រ្ត (AWG) គ្រោងនឹងបញ្ជូនភស្តុតាងដល់ស្ថាប័នវិទ្យាសាស្រ្តអន្តរជាតិដែលទទួលខុសត្រូវលើការដាក់ឈ្មោះជំពូកភូមិសាស្រ្តក្នុងប្រវត្តិផែនដី ។ 

 ក្រុមអ្នកវិទ្យាសាស្រ្ត បានចុះស្រាវជ្រាវតាមទីតាំងរាប់សិបកន្លែងនៅជុំវិញពិភពលោក ហើយនិងបានលើកឡើងថា បឹង Crawford ស្ថិតនៅជិតទីក្រុង Toronto គឺជាទីតាំងមួយដែលបានផ្តល់សញ្ញាសំគាល់យ៉ាងពិសេសថា នរសម័យ ដែលសំខាន់ចំពោះយុគសម័យមនុស្ស បានមកដល់ហើយ ។ 

លោក Colin Waters គឺជាប្រធានក្រុម AWG និងជាសាស្រ្តាចារ្យនៅសាកលវិទ្យាល័យ Leicester របស់ចក្រភពអង់គ្លេស និយាយថា សារធាតុភ្លុយតានីត្យូមពីការសាកល្បងអាវុធនុយក្លេអ៊ែរកាលពីទសវត្សរ៍ឆ្នាំ ១៩៥០ បានផ្តល់សញ្ញាសំគាល់យ៉ាងច្បាស់សម្រាប់ការផ្លាស់ប្តូរទៅកាន់យុគសម័យភូមិសាស្រ្ត ហើយបន្ទាប់មកគឺ ការហក់ឡើងខ្ពស់ការប្រើប្រាស់ប្រេងឥន្ធនៈហ្វូស៊ីល និងជីគីមី ការផ្លាស់ប្តូរច្រើនលើការប្រើប្រាស់ដី ហើយនិងការធ្លាក់ចុះជីវចម្រុះ បណ្តាលមកពីការធ្វើកសិកម្ម ។ 

វត្តមានរបស់សារធាតុភ្លុយតានីតូនីញ៉ូម និងភស្តុតាងផ្សេងទៀត ត្រូវបានរកឃើញនៅក្នុងសំណាកស្នូលនៃដីល្បប់ក្រោមបាតបឹង Crawford ។ 

សូមបញ្ជាក់ថានរសម័យ គឺចង់សំដៅលើជំពូកនៅក្នុងប្រវត្តិផែនដី ឆ្លុះបញ្ចាំងពីការផ្លាស់ប្តូរអាកាសធាតុ និងប្រព័ន្ធអេកូឡូស៊ីរបស់ផែនដី ដែលបង្កឡើងដោយសារតែសកម្មភាពរបស់មនុស្ស ៕