ទឹកឡើងតាមដងទន្លេ Yamunaរបស់ប្រទេសឥណ្ឌា ដែលហូរកាត់រដ្ឋធានីញូវដែល្លី បានឆ្លងផុតចំណុចគ្រោះថ្នាក់ ហើយនិងបង្ខំឲ្យប្រជាពលរដ្ឋក្នុងស្រុក​ដែល​រស់នៅ​តាមតំបន់វាល​ទំនា​ប រត់ភៀសខ្លួនទៅកាន់ទីទួលមានសុវត្ថិភាព កាលពីថ្ងៃអង្គារ។

ស្រប​ពេលដែលទឹកទន្លេគំរាមកំហែងដល់ការជន់លិចការតាំងលំនៅបណ្តោះអាសន្ននៅក្បែរនោះ ក្រុមអ្នកស្រុក ត្រូវតែបំលាស់ទីជាមួយកូនៗរបស់ពួកគេ គោក្របី និងទ្រព្យ​សម្បត្តិ​ហេតុ ទៅលើចញ្ចើមផ្លូវ។

គួរឲ្យដឹង​ថា ទន្លេ Yamuna ស្ថិតនៅក្នុងទីក្រុងញូវដែល្លី ប្រឈមនឹងការហក់ខ្ពស់កម្រិតទឹកជារៀងរាល់ឆ្នាំ អំឡុងរដូវវស្សា ហើយវាបានបង្កការលំបាកខ្លាំងដល់​ប្រជាពលរដ្ឋ​រស់នៅ​តាម​ខ្ទមក្នុងតំបន់ទំនាបលិចទឹកទាំងនេះ។

ភ្លៀង​មូសុងវស្សា ដែលចាប់ផ្តើមធ្លាក់ចាប់ពីខែមិថុនារហូតដល់ខែកញ្ញា បណ្តាលឲ្យស្លាប់មនុស្សផងដែរ ហើយធ្វើឲ្យមានការជម្លៀសខ្លួនមនុស្ស​ទ្រង់ទ្រាយ​ធំនៅទូទាំង​ប្រទេសនៅ​តំបន់​​អាស៊ីខាងត្បូងមួយនេះ ប៉ុន្តែវាក៏បានផ្តល់ទឹកភ្លៀង ៧០ភាគរយដែលសំខាន់ចាំបាច់ដល់ប្រជាកសិករឥណ្ឌាផងដែរ ៕