​

ប្រជាជន និងម្ចាស់អាជីវកម្ម នៅរដ្ឋវើម៉ិន សហរដ្ឋអាមេរិក បានវាយតម្លៃអំពីការខូចខាតកាលពីថ្ងៃអង្គារ បន្ទាប់ពីអ្វីដែលអង្គភាពសេវាកម្មអាកាសធាតុជាតិ បានចាត់ទុកថាជាការ​ជន​លិច​​ដ៏​មហន្តរាយ បានធ្វើឲ្យជនលិចផ្នែកជាច្រើននៅទីក្រុង Montpelier របស់រដ្ឋនេះ។ មន្ត្រីរដ្ឋ វើម៉ិន បានចាត់ទុកការជន់លិចនេះថាធ្ងន់ធ្ងរបំផុតមិនធ្លាប់មាន ចាប់តាំងពី ព្យុះកំណាច Irene បានវាយប្រហាររដ្ឋប៉ែកឦសានកាលពីឆ្នាំ២០១១។

កាល​​ពីចុង​សប្តាហ៍ បានចាប់ផ្តើមមានភ្លៀងធ្លាក់ខ្លាំង ដែលបង្កឲ្យមានទឹកជំនន់ បិទផ្លូវជាច្រើនកន្លែងចេញទៅខាងក្រៅទីក្រុង និងធ្វើឲ្យមនុស្សជាច្រើនជាប់នៅក្នុងលំនៅឋាន។ នៅ​​ទូទាំង​រដ្ឋ ក្រុមជួយសង្គ្រោះ បានជួយសង្គ្រោះមនុស្សជាង ១០០នាក់ ពីលំនៅឋានរបស់ពួកគេ និងចេញពីរថយន្ត តាមទូក ហើយ ក្រុមមន្ត្រីនិយាយថា ពួកគេបានទទួល​ការហៅ​ទូរស័ព្ទ​ពីមនុស្សជាច្រើន ដែលជាប់នៅក្នុងលំនៅឋានរបស់ពួកគេ នៅតំបន់ដាច់ស្រាយ៉ាល។ ប្រធានាធិបតីសហរដ្ឋអាមេរិក លោក Joe Biden បាន​និយាយ​នៅលើ​បណ្តាញ​ផ្សព្វផ្សាយ​សង្គម​ថា លោកបានព្រមព្រៀងលើការប្រកាស​ សង្គ្រោះបន្ទាន់ និងបានសន្យាការគាំទ្រសហព័ន្ធឲ្យបានឆាប់រហ័ស សម្រាប់កិច្ចប្រឹង​ប្រែងផ្តល់​ជំនួយ​សង្គ្រោះបន្ទាន់សម្រាប់រដ្ឋវើម៉ិន។