មន្ទីរបញ្ចកោណបាននិយាយនៅក្នុងកិច្ចពិភាក្សាបន្ទាប់ពីការរិះគន់របស់សហរដ្ឋអាមេរិក លើភាពស្ទាក់ស្ទើររបស់ប្រទេសចិនក្នុងការចូលរួមក្នុងទំនាក់ទំនងយោធាថា ឯកអគ្គរដ្ឋទូតចិនប្រចាំសហរដ្ឋអាមេរិក មានជំនួបដ៏ម្រនៅមន្ទីរបញ្ចកោណ កាលពីថ្ងៃពុធ ជាមួយមន្ត្រីការពារជាតិសហរដ្ឋអាមេរិកទទួលបន្ទុកទ្វីបអាស៊ី។

សេចក្តីថ្លែងការណ៍សង្ខេបរបស់មន្ទីរបញ្ចកោណនិយាយថា ឯកអគ្គរដ្ឋទូតចិន លោក Xie Feng បានពិភាក្សាមានចាប់ពីទំនាក់ទំនងការពារជាតិនិងបញ្ហាសន្តិសុខប្រចាំតំបន់ និងអន្តរជាតិ ក្នុងកិច្ចពិភាក្សាជាមួយលោក Ely Ratner ឧបការីក្រសួងការពារជាតិអាមេរិក។ លោក Martin Meiners អ្នកនាំពាក្យមន្ទីរបញ្ចកោណបាននិយាយថា លោក Ratner បានគូសបញ្ជាក់ពីការប្តេជ្ញាចិត្ត របស់ក្រសួង ក្នុងការរក្សាបណ្តាញបើកចំហរចំពោះទំនាក់ទំនងយោធានិងយោធា រវាងសហរដ្ឋអាមេរិកនិងសាធារណៈរដ្ឋប្រជាមានិតចិន។ លោក Meiners និយាយថា កិច្ចពិភាក្សាបានធ្វើឡើងរយៈពេលប្រមាណ៩០នាទី។

នៅក្នុងសេចក្តីថ្លែងការណ៍ នៅព្រឹកថ្ងៃព្រហស្បតិ៍នេះ ស្ថានទូតចិន ក្នុងទីក្រុងវ៉ាស៊ីនតោនបាននិយាយថា លោក Xie Feng បានជំរុញឲ្យសហរដ្ឋអាមេរិកបំពេញភាពខ្វះចន្លោះតាមការទាមទាររបស់ចិន ដើម្បីត្រឡប់មកវិញជាបន្តបន្ទាប់នូវទំនាក់ទំនងរវាងប្រទេសទាំងពីរ និងយោធារបស់ពួកគេចំពោះដំណើរដ៏ត្រឹមត្រូវ។

លោក Xie បានស្នើសុំឲ្យភាគីអាមេរិក មានចំណាត់ការដកចេញឧបសគ្គ ដោះស្រាយភាពខ្វែងគំនិតគ្នា ដោះស្រាយបញ្ហាកោះតៃវ៉ាន់ និងបញ្ហារសើបនិងសំខាន់ផ្សេងៗទៀតស្របទៅតាមគោលការណ៍នៃសេចក្តីថ្លែងការណ៍រួមចិន-អាមេរិក ៣លើកកន្លងមក។ ដោយទំនាក់ទំនងចិន-អាមេរិក ធ្លាក់ចុះជុំវិញបញ្ហាសន្តិសុខជាតិ រួមមានទាំងបញ្ហាកោះតៃវ៉ាន់ បម្រាមនាំចេញរបស់សហរដ្ឋអាមេរិកលើបច្ចេកវិទ្យាឈានមុខ និងគោលនយោបាយឧស្សាហកម្មដឹកនាំដោយរដ្ឋចិន ទីក្រុងវ៉ាស៊ីនតោនកំពុងព្យាយាមស្តារទំនាក់ទំនងរវាងប្រទេសមានសេដ្ឋកិច្ចធំបំផុតទាំងពីរនេះរបស់ពិភពលោក។