ក្រុមអ្នកតវ៉ាគាំទ្រលទ្ធិប្រជាធិបតេយ្យរាប់រយនាក់ បានមកប្រមូលផ្តុំគ្នាក្នុងទីក្រុងបាងកក កាលពីថ្ងៃពុធ បន្ទាប់ណពីគណៈកម្មាធិការបោះឆ្នោតរបស់ប្រទេសថៃ​ នឹងសម្រេចថាតើលោក Pita Limjaroenrat ដែលជាបេក្ខជនសម្រាប់តំណែងនាយករដ្ឋមន្ត្រី មានសិទ្ធិទទួលបានការឈរ​ឈ្មោះក្នុង​ការបោះឆ្នោតនៅពេលខាងមុខដែរ ឬទេ។

លោក Pita បានរកផ្លូវដោះស្រាយនូវឧបសគ្គធំមួយ នៅពេលពាក្យបណ្តឹងដាច់ដោយឡែកចំនួន២ប្តឹងមកលើលោក មានសន្ទុះកាន់តែខ្លាំង ដែលគំរាមចំពោះការចាកចេញពីបំណងភាពជាអ្នកដឹកនាំ នៅមុនពេលបោះឆ្នោតដ៏សំខាន់លើបេក្ខភាពជានាយករដ្ឋមន្ត្រី។

ភាពចលាចល បានចាប់ផ្តើម នៅក្នុងខេត្តចំនួន៦ នៅទូទាំងប្រទេសថៃរួមមានទាំងទីក្រុងបាងកក និងខេត្តឈៀងម៉ៃ ខណៈតុលាការរដ្ឋធម្មនុញ្ញ បានទទួលយកពាក្យបណ្តឹង​ ប្តឹងដោយមេធាវីម្នាក់ លើលោក Pita និងគណបក្សឆ្ពោះទៅមុខ (Move Forward) ដែលទទួលបានជ័យជម្នះក្នុងការ​បោះឆ្នោត​របស់លោក ​និងផែនការរបស់ខ្លួន ​ដើម្បីធ្វើវិសោធនកម្មច្បាប់ ​ដែលហាមឃាត់ការប្រមាថ​ព្រះមហាក្សត្រ។