ភ្នំពេញ ៖ ខ្ញុំសូមជម្រាបជូនថា ថ្មីៗនេះ មានវិទ្យុបរទេសមួយដែលផ្សាយជាខេមរភាសា បានផ្សាយថា អង្គការស ហប្រជាជាតិបានទាមទារឱ្យរាជរដ្ឋាភិបាលកម្ពុជា ដោះលែងទណ្ឌិតមួយរូបជាបន្ទាន់ និងគ្មានលក្ខខណ្ឌ។ ក៏ប៉ុន្តែធាតុពិត ការថ្លែងទាំងនេះគឺគ្រាន់តែជាទស្សនៈផ្ទាល់ខ្លួនរបស់« ក្រុមការងារទទួលបន្ទុកការ​ឃុំខ្លួនតាមទំនើងចិត្ត»​តែប៉ុណ្ណោះ ពោលគឺមិនតំណាងឱ្យអង្គការសហប្រជាជាតិនោះទេ។ នេះបើ តាមឯកឧត្ដម អាន សុខខឿន អ្នកនាំ​ពាក្យក្រសួងការបរទេស និងសហប្រតិបត្តិការអន្តរជាតិ ចេញសេ ចក្ដីប្រកាសព័ត៌មានឱ្យដឹងនៅយប់ថ្ងៃទី១៣ ខែកក្កដា ឆ្នាំ២០២៣។

ប្រភពដដែលបន្តថា ដោយការផ្សាយរបស់វិទ្យុបរទេសនោះ មានចេតនាទុច្ចរិត និងបង្កឱ្យមានការភាន់ច្រឡំ, អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ សូមផ្តល់ជូននូវការពិតដូចតទៅ៖

១.«ក្រុមការងារទទួលបន្ទុកការឃុំខ្លួនតាមទំនើងចិត្ត»(WGAD) គឺជាបណ្តុំនៃបុគ្គលចំនួនប្រាំរូប ដែលមិ នមែនជាមន្ត្រីរបស់អង្គការសហប្រជាជាតិនោះឡើយ ហើយដែលគ្រាន់តែបម្រើការក្នុងសមត្ថភាពផ្ទា ល់ខ្លួនតែប៉ុណ្ណោះ។ បុគ្គលទាំងនោះទំនងពុំមានការយល់ដឹងជាក់ស្តែងអំពីអង្គហេតុ និងអង្គច្បាប់ចំ ពោះករណីទណ្ឌិតម្នាក់នោះ ទិដ្ឋភាពនយោបាយ និងប្រព័ន្ធយុត្តិធម៌នៅកម្ពុជា។ សេចក្តីសន្និដ្ឋានរបស់ក្រុមការងារនេះ ក៏ពុំមានទម្ងន់អ្វីឡើយ រួមទាំងទម្ងន់ផ្លូវច្បាប់ មកលើរដ្ឋអធិបតេយ្យមួយ។

២.ដោយពុំបានអនុវត្តតាមវិធីសាស្ត្រ និងក្រមសីលធម៌ការងារត្រឹមត្រូវ កម្ពុជាសូមច្រានចោលនូវសេចក្តី​សន្និដ្ឋាន​របស់​ក្រុមការងារនេះ។ ប្រទេសជាច្រើនផ្សេងទៀតក៏ធ្លាប់បានសម្តែងនូវការខកចិត្ត និងបដិ សេធសេចក្តីសន្និដ្ឋាន​នាពេល​កន្លង​មករបស់ WGAD ផងដែរ៕ ដោយ៖ គង់ ឌិន​